اقش كولىك قاۋىپسىزدىگى اكىمشىلىگىنىڭ (TSA) ساراپشىلارى ەلوردا اۋەجايىنىڭ جۇمىسىمەن تانىستى, دەپ حابارلايدى Egemen.kz ازاماتتىق اۆياتسيا كوميتەتىنە سىلتەمە جاساپ.
TSA ساراپشىلارى ەلوردالىق اۋەجايدىڭ تەكسەرۋ پۋنكتتەرىنىڭ جاعدايىن باعالادى 3-4 تامىز كۇندەرى اقش كولىك قاۋىپسىزدىگى اكىمشىلىگىنىڭ (TSA) ساراپشىلارى ەلىمىزدەگى اقش ەلشىلىگىنىڭ قولداۋىمەن قازاقستاننىڭ اۆياتسيالىق اكىمشىلىگىندە بولىپ, ەلوردالىق اۋەجايدىڭ تەكسەرۋ پۋنكتتەرىنىڭ جاي-كۇيىنە جانە ولاردىڭ امەريكاندىق ستاندارتتارعا سايكەستىگىنە الدىن الا باعالاۋ جۇرگىزۋ ماقساتىندا اۋەجايعا باردى.
بۇل - TSA ساراپشىلارىنىڭ ەلىمىزگە جاساعان ەكىنشى ساپارى. العاشقى ساپار 2021 جىلدىڭ قازان ايىندا ءوتىپ, وندا TSA ساراپشىلارى ەلدەگى اۆياتسيالىق قاۋىپسىزدىكتى قامتاماسىز ەتۋدىڭ جوعارى دەڭگەيىن اتاپ وتكەن بولاتىن جانە ازاماتتىق اۆياتسيانى زاڭسىز ارالاسۋ اكتىلەرىنەن قورعاۋ بويىنشا جۇرگىزىلىپ جاتقان شارالارعا وڭ باعا بەردى. وسى جولى ساراپشىلار نۇر-سۇلتان قالاسى اۋەجايىنىڭ جولاۋشىلاردى, قول جۇگىن, باگاجدى جانە جۇكتى تەكسەرۋ پۋنكتتەرى, سونداي-اق باقىلاۋ-وتكىزۋ پۋنكتتەرىنىڭ جۇمىسىمەن تانىستى.
ساراپشىلار اقش-قا تىكەلەي رەيستەردى جۇزەگە اسىرۋ كەزىندە تەكسەرۋ پۋنكتتەرىنىڭ جاعدايى مەن جابدىقتالۋىنا ەرەكشە ءمان بەرەدى. تەحنيكالىق ساپاردىڭ ناتيجەلەرى بويىنشا ساراپشىلار تەكسەرۋ پۋنكتتەرى مەن باقىلاۋ-وتكىزۋ پۋنكتتەرىنىڭ جاعدايىنا وڭ باعا بەردى. تەكسەرۋ پۋنكتتەرىندە اۆياتسيالىق قاۋىپسىزدىك قىزمەتى پەرسونالىنىڭ ۇيلەسىمدى جۇمىسى اتاپ ءوتىلدى.
بولاشاقتا اقش-قا ورىندالاتىن رەيستەرگە قىزمەت كورسەتەتىن جەكەلەگەن تەكسەرۋ پۋنكتتەرى ءۇشىن, ولاردى جولاۋشىلاردى ءۇش ولشەمدى سكانەرلەۋ جابدىقتارى (دەنە سكانەرلەرى) جانە جارىلعىش زات دەتەكتورلارى سياقتى زاماناۋي تەحنيكالىق تەكسەرۋ قۇرالدارىمەن جابدىقتاۋ بويىنشا ۇسىنىستار بەرىلگەن. تەكسەرۋ پۋنكتتەرى ارقىلى جولاۋشىلار اعىنىنىڭ ءوتۋىن جەدەلدەتۋ ماقساتىندا كەيبىر پۋنكتتەردى ەرگونوميكالىق قايتا ورنالاستىرۋدى جۇزەگە اسىرۋ جانە جولاۋشىلاردى تەكسەرۋ ءۇشىن دەنە سكانەرلەرىن پايدالانۋ ۇسىنىلدى. اقش ەلشىلىگى جانىنداعى ەكسپورتتىق باقىلاۋ جانە شەكارا قاۋىپسىزدىگى باعدارلاماسىنىڭ وكىلدەرى تەكسەرۋ ينسپەكتورلارىن TSA ستاندارتتارى بويىنشا وقىتۋ جانە جوعارىدا اتالعان باعدارلامانىڭ قاراجاتى ەسەبىنەن تەكسەرۋ جابدىقتارىن وتەۋسىز ساتىپ الۋ تۋرالى ماسەلەنى قاراستىرۋدا.
تەحنيكالىق ساپاردىڭ قورىتىندىسى بويىنشا اقش-قا تىكەلەي رەيستەر اشۋ شەڭبەرىندە قازاقستاننىڭ اۆياتسيالىق اكىمشىلىگى مەن اقش كولىك قاۋىپسىزدىگى اكىمشىلىگى اراسىنداعى ىنتىماقتاستىقتى جالعاستىرۋ جانە كەڭەيتۋ تۋرالى شەشىم قابىلداندى.