قازاقستاندا كيىم باعاسى قىمباتتادى

«ماۋسىم ايىندا اياق كيىم مەن كيىم ايلىق مەجەدە 1,4%, جىلدىق مەجەدە 9,7% قىمباتتادى. ءبىر ايدىڭ ىشىندە اتالعان تاۋارلاردىڭ باعاسى سولتۇستىك قازاقستان, ماڭعىستاۋ جانە قىزىلوردا وبلىستارىندا ەرەكشە وسكەن. ال جىلدىق مەجەدە ماڭعىستاۋ جانە قىزىلوردا وبلىستارىنىڭ قاتارىنا اتىراۋ وبلىسى قوسىلعان», دەپ جازىلعان مالىمەتتە.

بىلتىرعى ماۋسىمنان بەرى ەر ادامداردىڭ ءىش كيىمى - 15,6%, مايكا - 14,9%, دجينسى شالبار - 10,7%, سپورت كيىمدەرى - 10%, ش ۇلىق - 9,7%, قىسقى كۇرتەلەر - 8,7%, جۇنجەيدە - 5,4%, ماۋسىمارالىق پالتو - 6,7%, كوستيۋم-شالبار - 4,3%-عا قىمباتتاعان.

ال جازعى تۋفلي مەن شاقاي باعاسى - 11,6%, قىسقى ەتىك باعاسى - 10,4%, ماۋسىمارالىق باتەڭكە باعاسى - 8,9%, كروسسوۆكا باعاسى - 7,9%-عا وسكەن.

ايەلدەر كيىمىنىڭ اراسىندا ءبىر جىلدا كويلەكتەر - 11,9%, قىسقى كۇرتە - 10,8%, بيۋستگالتەر - 9,6%, كوستيۋمدەر مەن بەلدەمشەلەر -  9,1%, سپورت كيىمى - 8,8%, حالات - 8,3%, تەرى توندار - 7,9%, دجينسى شالبار - 6,4%-عا قىمباتتاعان.

بالالار كيىمىنىڭ ىشىندە ءبىر جىلدا فۋتبولكا - 12,8%, پيجاما - 11,9%, ش ۇلىق - 10,9%, ماۋسىمارالىق كۇرتە - 10,5%, قىسقى كومبينەزون - 10,3%, قىسقى كۇرتە - 9,7%, دجينسى شالبار - 9,3%, شالبار - 9,1%, سپورت كيىمى - 7,9%, كويلەك - 6,8%, جۇنجەيدە - 6,4%, كوستيۋم - 6,2%, وقۋشىنىڭ كوستيۋم جيىنتىعى - 5,7%, بالالاردىڭ قىسقى اياقكيىمى - 15,9%, كروسسوۆكا - 15%, تۋفلي - 13,4%, قىزداردىڭ ءتۋفليى - 9,7% كوتەرىلگەن.