يندونەزيادا «ديماش - قازاقستاننىڭ التىن داۋىسى» كورمەسى ءوتتى

ءىس-شارا قوناقتارىنا ورىنداۋشىنىڭ كونتسەرتتەرىنىڭ ءبىرى كورسەتىلدى, سونداي-اق قازاقستاننان سۋرەتتەر مەن كادەسىيلار ۇسىنىلدى.

كورمە 2022 جىلعى 29 ماۋسىمنان 8 شىلدەگە دەيىن «يندونەزيا رەسپۋبليكاسىنىڭ ۇلتتىق كىتاپحاناسىندا» ءوتتى. ءىس-شارانى قازاقستان رەسپۋبليكاسىنىڭ يندونەزياداعى ەلشىلىگى مەن يندونەزيا رەسپۋبليكاسىنىڭ نۇر-سۇلتانداعى ەلشىلىگىنىڭ قولداۋىمەن ديماش قۇدايبەرگەن DIDFC يندونەزيالىق فان-كلۋبى ۇيىمداستىردى.

ءىس-شارا بارلىق نيەت بىلدىرۋشىلەر ءۇشىن تەگىن بولدى. Dears بارلىق قوناقتار ءۇشىن ديماشتىڭ «دايديداۋ» جانە «ليۋبوۆ ۋستاۆشيح لەبەدەي» اندەرىمەن تاڭعاجايىپ قويىلىمدار دايىندادى, ولار تۇپنۇسقادا دا, يندونەزيالىق نۇسقادا دا شىرقالدى.

قازاقستاندىق ورىنداۋشىنىڭ شىعارماشىلىعىمەن تانىسقاننان كەيىن قازاق ءتىلىن بەلسەندى مەڭگەرە باستاعان ديماشتىڭ جانكۇيەرى تيتا دجادجوسمان مۇحتار اۋەزوۆتىڭ «ەڭلىك-كەبەك» اتتى بەلگىلى پوەماسىن وقىپ, قوناقتاردى تاڭعالدىردى.

سونداي-اق كورمەنىڭ اشىلۋ كۇنى بارلىق قوناقتار ءۇشىن ديماشتىڭ «D-Dynasty» كونتسەرتىن تاماشالاۋ ۇيىمداستىرىلدى.

وسىدان كەيىن رەسمي اشىلۋ ءراسىمى ءوتتى. Didfc فان-كلۋبى جانە ەكى ەلشىلىك وكىلدەرى ءسوز سويلەدى.

كورمەدە ديماشتىڭ فوتوسۋرەتتەرى, ونىڭ شىعارماشىلىعى تۋرالى اقپارات, سونداي-اق قازاقستاننىڭ سۋرەتتەرى مەن كادەسىيلارى, ونىڭ ىشىندە كەلۋشىلەر تاماشالاي الاتىن دومبىرا مەن ءداستۇرلى كيىمدەر ۇسىنىلدى.