جاستار باستاماسىن قولداۋعا ارنالعان «Zhas Project» جوباسىنا بايقاۋ جاريالاندى. بايقاۋعا قاتىسۋعا ءوتىنىم 10 تامىزعا دەيىن قابىلدانادى, دەپ حابارلايدى Egemen.kz.
«Zhas Project» جوباسىنىڭ گرانتىنا ءوتىنىم قابىلداۋدىڭ باستالعانىن حابارلايمىز. قۇجات قابىلداۋ 10 تامىزعا دەيىن جالعاسادى. جوبا بايقاۋىنا ەلىمىزدىڭ 6 ءوڭىرىنىڭ جاستارى قاتىسا الادى. ونىڭ قاتارىندا الماتى, جەتىسۋ, قاراعاندى, ۇلىتاۋ, تۇركىستان جانە ماڭعىستاۋ وبلىسى بار. «Zhas Project» جاستاردى ەلدىڭ ەكونوميكاسى مەن الەۋمەتتىك ومىرىنە تارتۋ جانە ولار ۇسىنعان جوبالاردى قولداۋعا باعىتتالعان», دەدى اقپارات جانە قوعامدىق دامۋ مينيسترلىگى جاستار جانە وتباسى ىستەرى جونىندەگى كوميتەتتىڭ توراعاسى قايرات بايمولدينوۆ ورتالىق كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا.
كوميتەت باسشىسىنىڭ ايتۋىنشا, بايقاۋ ناتيجەسىندە جاستاردىڭ ۇزدىك دەگەن 250 جوباسىن قولداپ, گرانت بەرۋ كوزدەلىپ وتىر. جوباسىن جۇزەگە اسىرۋ ءۇشىن اۆتورعا 1 ملن تەڭگە قارجىلاي گرانت بەرىلەدى.
«بۇگىندە «Zhas Project» جوباسىنىڭ گرانتىنا ۇمىتكەرلەردەن 24 ءوتىنىم كەلىپ ءتۇستى. ونىڭ ىشىندە الماتى وبلىسى بويىنشا 9 ءوتىنىم, تۇركىستان وبلىسى 7 ءوتىنىم, ماڭعىستاۋ وبلىسى 6 جانە 2 ءوتىنىم قاراعاندى وبلىسىنان تىركەلدى. بايقاۋدىڭ بيىلعى ەرەكشەلىگى گرانتتى جەڭىمپازدىڭ قولىنا قارجىلاي بەرمەيمىز. سەبەبى قارجىنى باسقا ماقساتقا جۇمساپ جىبەرۋى مۇمكىن دەگەن قاۋىپ بار. ءبىز ءۇشىن گرانتتىڭ ءوز ماقساتىنا جۇمسالعانى ماڭىزدى», دەيدى «ازاماتتىق باستامالاردى قولداۋ ورتالىعى» زتب باسقارما توراعاسىنىڭ مىندەتىن اتقارۋشى عالىم قۇرمان.