ەنەرگەتيكا ءمينيسترى بولات اقشولاقوۆ نۇر-سۇلتانداعى «بەنزين تاپشىلىعى» تۋرالى حابارلامالارعا تۇسىنىكتەمە بەردى, دەپ حابارلايدى Egemen.kz.
«ەلدە بەنزين تاپشىلىعى جوق. بىزدە جانارماي قۇيۋ ستانتسيالارى جانار-جاعارماي قۇيۋ بەكەتتەرىنە قانشا كولىك كىرەتىنىن, قانشا كەتەتىنىن انىقتايدى. ولار وزدەرىنىڭ ورتاشا شىعىندارىن بىلەدى, سونىڭ نەگىزىندە مۇناي بازالارىنان نەمەسە زاۋىتتاردان جانارمايعا تاپسىرىس بەرەدى», دەپ ءتۇسىندىردى بولات اقشولاقوۆ وكق بريفينگىندە.
ەنەرگەتيكا ۆيتسە-ءمينيسترى اسەت ماعاۋوۆ نۇر-سۇلتاندا اي-92 بەنزينىنىڭ قورى جەتكىلىكتى ەكەنىن قوسا ايتتى.
ايتا كەتسەك, شىلدە ايىنىڭ باسىندا الەۋمەتتىك جەلىدە نۇر-سۇلتان قالاسىندا اي-95 ماركالى بەنزيننىڭ تاپشىلىعىنا بايلانىستى جمقس كەزەكتەرى تىركەلگەنى, سونداي-اق وتىن ساتۋعا ليميتتەر بەلگىلەنىپ, تالوندار ەنگىزىلگەنى تۋرالى اقپارات تارادى. ەنەرگەتيكا مينيسترلىگى بۇل اقپاراتتى جوققا شىعارعان ەدى.