كيپردىڭ دەنساۋلىق ساقتاۋ مينيسترلىگى سەيسەنبىدە جەرورتا تەڭىزىنىڭ شىعىسىنداعى ارال ەلىندە مايمىل شەشەگى اۋرۋىن جۇقتىرۋدىڭ العاشقى فاكتىسى راستالعانىن ءمالىم ەتتى, دەپ حابارلايدى Egemen.kz ABC News باسىلىمىنا سىلتەمە جاساپ.
اۋرۋ 40 جاستاعى ەر ادامنان كيپر استاناسىنداعى جالپى اۋرۋحانادا زەرتحانالىق تەكسەرۋدەن وتكەننەن كەيىن انىقتالدى. ناۋقاستا مايمىل شەشەگى اۋرۋىنىڭ كلينيكالىق بەلگىلەرى بايقالعان.
ەر ادامنىڭ شەتەلگە ءجيى شىققانى بەلگىلى بولدى. ناۋقاس مايمىل شەشەگىن ەمدەۋگە ارنالعان نيكوسيا جالپى ءپروفيلدى اۋرۋحاناسىنىڭ ارنايى جابدىقتالعان بولمەسىنە جاتقىزىلدى.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە, 27 شىلدەدەگى جاعداي بويىنشا, دۇنيەجۇزىنىڭ 78 ەلىندە 18 مىڭنان استام ادام مايمىل شەشەگىن جۇقتىرعان جانە بەس ادام قايتىس بولعان.
اۋرۋدىڭ 70 پايىزدان استامى ەۋروپادا, 25 پايىزى امەريكادا انىقتالعان.