جەتىسۋ وبلىسىنىڭ ەكى اۋدانىنا جاڭا اكىم تاعايىندالدى

كوكسۋ اۋدانىنىڭ اكىمى بولىپ مارلەن كولباەۆ تاعايىندالدى.

مارلەن قاپاش ۇلى 1976 جىلى تۋعان, ءبىلىمى جوعارى. «جەتىسۋ» ينستيتۋتىن «ەكونوميكا جانە مەنەدجمەنت», ءو.ا.جولداسبەكوۆ اتىنداعى ەكونوميكا جانە قۇقىق اكادەمياسىن «زاڭ» ماماندىقتارى بويىنشا ءبىتىردى.

ەڭبەك جولىن ىشكى ىستەر باسقارماسى كۇزەت ءبولىمىنىڭ پوليتسيا قىزمەتكەرى بولىپ باستاعان.

ءبىرشاما جىل «جەتىسۋ» ەكونوميكالىق ينستيتۋتىندا ءتۇرلى قىزمەتتەر اتقاردى. كەيىن تالدىقورعان قالاسىنىڭ كاسىپكەرلىك ءبولىمىنىڭ باستىعى, تالدىقورعان قالاسى اكىمىنىڭ ورىنباسارى, «جەتىسۋ» اكك» ۇك» اق اگروونەركاسىپ كەشەنى دەپارتامەنتىنىڭ باس مەنەدجەرى, تالدىقورعان قالالىق ادامي رەسۋرستاردى باسقارۋ دەپارتامەنتىنىڭ جوبالاردى باسقارۋدىڭ باس مەنەدجەرى, «جەتىسۋاگروساۋدا» جشس-نىڭ تالدىقورعان ايماعى بويىنشا باستىعى, تالدىقورعان قالاسى اكىمى اپپاراتىنىڭ باسشىسى, قالا اكىمىنىڭ ورىنباسارى بولدى.  2018 جىلدىڭ جەلتوقسانىنان – الماتى وبلىسىنىڭ مادەنيەت, ارحيۆتەر جانە قۇجاتتاما باسقارماسىنىڭ باسشىسى.

ال كوكسۋ اۋدانىنىڭ اكىمى بولعان الماس قابدۋل ۇلى ءادىل باسقا جۇمىسقا اۋىسۋىنا بايلانىستى قىزمەتىنەن بوساتىلدى.

ەسكەلدى اۋدانىنىڭ اكىمى لاۋازىمىنا احمەتوۆ ەلدوس تۇرسىنباي ۇلى تاعايىندالدى.

ەلدوس تۇرسىنباي ۇلى 1968 جىلى تۋعان, ءبىلىمى جوعارى.

سەمەي قارجى-ەكونوميكالىق تەحنيكۋمىن «مەملەكەتتىك بيۋدجەت», قازاق مەملەكەتتىك ەكونوميكالىق ۋنيۆەرسيتەتىن «قارجى جانە نەسيە», ءال-فارابي اتىنداعى قازاق ۇلتتىق ۋنيۆەرسيتەتىن «زاڭ» ماماندىقتارى بويىنشا بىتىرگەن.

ەڭبەك جولىن تالعار قالاسى بويىنشا سالىق ينسپەكتسياسىنىڭ سالىق ينسپەكتورى بولىپ باستادى.

ءار جىلدارى تالدىقورعان وبلىسى بويىنشا سالىق ينسپەكتسياسىنىڭ سالىق ينسپەكتورى, اعا سالىق ينسپەكتورى, باس سالىق ينسپەكتورى, تالدىقورعان وبلىسىنىڭ تالدىقورعان اۋدانى بويىنشا سالىق ينسپەكتسياسىنىڭ, سالىق ءبولىمىنىڭ, سالىق كوميتەتىنىڭ باستىعى, الماتى وبلىسى ەسكەلدى اۋدانى بويىنشا سالىق كوميتەتىنىڭ باستىعى, توراعاسى, كوكسۋ اۋدانى بويىنشا سالىق كوميتەتىنىڭ توراعاسى, ءبولىم باستىعى, تەكەلى قالالىق قارجى ءبولىمىنىڭ باسشىسى لاۋازىمدارىن اتقاردى. 2018 جىلدىڭ اقپانىنان ەسكەلدى اۋدانى اكىمىنىڭ ورىنباسارى بولدى.