اقش پرەزيدەنتى دجو بايدەن اۋعانستاندا ء«ال-كايدا» كوشباسشىسى ايمان ءزاۆاحيريدىڭ ولتىرىلگەنىن مالىمدەدى, دەپ حابارلايدى Egemen.kz ۆۆس اگەنتتىگىنە سىلتەمە جاساپ.
«ادىلدىك ورنادى. تەرروريستەردىڭ كوشباسشىسى ەندى جوق. ءبىز ەشقاشان ارتقا شەگىنبەيمىز», دەدى بايدەن.
ونىڭ ايتۋىنشا, ءزاۆاحيريدىڭ مەكەنجايى بيىل امەريكانىڭ ارنايى قىزمەتىنە بەلگىلى بولعان.
«ول امەريكا ازاماتتارىنا, امەريكا اسكەري قىزمەتشىلەرىنە, ديپلوماتتارى مەن امەريكا مۇددەسىنە زورلىق كورسەتىپ, ادامداردى ءولتىردى», دەدى اقش پرەزيدەنتى.
ونىڭ ايتۋىنشا, Hellfire ەكى زىمىرانى ۇشقىشسىز باسقارىلاتىن قۇرىلعىدان ۇشىرىلعان. سوققى سالدارىنان زاۆاحيري تۇراتىن ۇيدە ونىڭ تۋىستارى مەن بەيبىت تۇرعىندار زارداپ شەككەن جوق.
زاۆاحيري 2001 جىلدىڭ 11 قىركۇيەگىندە اقش-تاعى شابۋىلدىڭ ۇيىمداستىرۋشىسى بولدى. ول سودان بەرى قاشىپ ءجۇردى. ول 2011 جىلى پاكىستاندا ۋساما بين لادەن ولتىرىلگەننەن كەيىن ء«ال-كايدانى» باسقاردى.