ۇندىستانداعى كەرال شتاتىندا مايمىل شەشەگىن جۇقتىرعان ادام قايتىس بولدى, دەپ حابارلايدى Egemen.kz.
ءۇندىستان دەنساۋلىق ساقتاۋ ءمينيسترى ۆينا دجوردج 22 جاستاعى ەر ادام 30 شىلدەدە تريسسۋر قالاسىندا كوز جۇمعانىن جانە جىگىتتىڭ 22 شىلدەدە بىرىككەن اراب امىرلىكتەرىنەن كەلگەنىن حابارلادى.
26 شىلدەدە ول دەنە قىزۋى كوتەرىلگەننەن كەيىن تريسسۋرداعى اۋرۋحاناعا بارعان. كەيىن ونى جەكەمەنشىك اۋرۋحاناعا اۋىستىرعان. دەنساۋلىق ساقتاۋ ءمينيسترى ەر ادامعا شەتەلدە بولعان كەزدە مايمىل شەشەگى دياگنوزى قويىلعانىن ايتتى, بىراق ونىڭ وتباسى بۇل تۋرالى اۋرۋحاناعا ناۋقاس قايتىس بولعان كۇنى حابارلادى. پاتسيەنت كوز جۇمعاننان كەيىن ونىڭ بارلىق بايلانىستا بولعان ادامدارى باقىلاۋعا الىندى.
ناۋقاستا بۇرىن قانداي قانداي سوزىلمالى اۋرۋلار بولعانى ازىرگە بەلگىسىز. وقيعانىڭ ءمان-جايى تەكسەرىلىپ جاتىر. قازىرگى ۋاقىتتا ءۇندىستاندا مايمىل شەشەگىنىڭ ءتورت جاعدايى راستالدى, ۇشەۋى كەرالدا جانە بىرەۋى دەليدە.