اباي وبلىسى اقسۋات اۋدانىندا ىرعىزباي دوسقانا ۇلى اتىنداعى حالىقارالىق ونەر جانە سپورت فەستيۆالى وتۋدە, دەپ حابارلايدى Egemen.kz.
اباي وبلىسى اقسۋات اۋدانىندا جىل سايىنعى داستۇرگە اينالعان «تۇعىرى بيىك تارباعاتاي» اتتى حالىقارالىق ونەر جانە سپورت فەستيۆالى ءوتىپ جاتىر.
شارانىڭ اشىلۋ سالتاناتىنا وبلىس اكىمى نۇرلان ۇرانحاەۆ قاتىستى.
«دانا حالقىمىزدا «تۋعان جەرگە تۋىڭدى تىك» دەگەن ۇلاعاتتى ءسوز بار. اتادان بالاعا ميراس بولعان, ءتول ونەردىڭ دامۋىنا ات سالىسقان ازاماتتار مەن ۇيىمداستىرۋشىلارعا ءوزىمنىڭ جانە بارشا جەرلەستەرىمنىڭ اتىنان زور العىس بىلدىرەمىن. بارشا سپورتشىلار مەن ونەرپازدارعا ساتتىلىك, كورەرمەن قاۋىمعا - ۇمىتىلماس مەرەكەلىك كوڭىل-كۇي تىلەيمىن», دەدى ول.
فەستيۆال اقسۋات اۋىلىندا مەدرەسەنىڭ اشىلۋ سالتاناتىمەن باستالدى. جاس بالالار اراسىندا «قۇران جاتتاۋ» جارىسى ءوتتى.
سونداي-اق قابانباي باتىردىڭ 330 جىلدىعىنا ارنالعان رەسپۋبليكالىق عىلىمي-تاجىريبەلىك كونفەرەنتسيا بولدى. قازىرگى ۋاقىتتا ورتالىق ستاديوندا قازاق كۇرەسىنەن ىرعىزباي دوسقانا ۇلى اتىنداعى الەمدىك گران-پري باسەكەسى وتۋدە. حالىقارالىق شاراعا 19 مەملەكەتتەن 40-قا جۋىق بالۋان قاتىسۋدا.