2022 جىلعى 1 ماۋسىمداعى جاعداي بويىنشا سالىمشىلاردىڭ زەينەتاقى جيناقتارى ءبىر ايدا 613,7 ملرد تەڭگەگە نەمەسە 4,8%-عا ۇلعايىپ, 13 384,5 ملرد تەڭگەنى قۇرادى, دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
«2022 جىلدىڭ ماۋسىم ايىندا زەينەتاقى اكتيۆتەرىن ينۆەستيتسيالاۋدان تۇسكەن تازا تابىس 505,4 ميلليارد تەڭگەگە, 2022 جىلدىڭ 1 شىلدەسىندەگى جاعداي بويىنشا 7 246,6 ميلليارد تەڭگەگە دەيىن ارتتى», دەلىنگەن حابارلامادا.
مىندەتتى زەينەتاقى جارنالارى بويىنشا سالىمشىلاردىڭ جەكە زەينەتاقى شوتتارىنىڭ سانى (زەينەتاقى جيناقتارى جوق جزش-نى ەسكەرە وتىرىپ) 2022 جىلعى 1 شىلدەدەگى جاعداي بويىنشا 10,9 ميلليون شوتتى قۇرادى.
ماۋسىم ايىندا زەينەتاقى تولەمدەرىنىڭ سوماسى 36,7 ميلليارد تەڭگەنى قۇرادى.
2022 جىلعى 1 شىلدەدەگى جاعداي بويىنشا بجزق جيىنتىق ينۆەستيتسيالىق پورتفەلىنىڭ نەگىزگى ۇلەسىن قر مەملەكەتتىك باعالى قاعازدارى مەن قر ەميتەنتتەرىنىڭ مەملەكەتتىك ەمەس باعالى قاعازدارى (زەينەتاقى اكتيۆتەرىنىڭ جالپى كولەمىنىڭ تيىسىنشە 42,6% جانە 21,4%) قۇرايدى.