اقش پرەزيدەنتىنىڭ جەكە دارىگەرى كەۆين و'كونور دجو بايدەننىڭ تولىق ساۋىعىپ كەتكەنىن راستادى, دەپ حابارلايدى Egemen.kz.
بۇل تۋرالى سارسەنبى كۇنى اق ءۇي تاراتقان دارىگەردىڭ رەسمي بايانداماسىندا ايتىلعان.
«پرەزيدەنت بايدەن بەس كۇندىك PAXLOVID كۋرسىن اياقتادى. بۇگىنگە دەيىن ول بەس كۇن بويى وقشاۋلانعان رەجيمدە جۇمىس ىستەدى», دەلىنگەن قۇجاتتا.
پرەزيدەنتتىڭ كەشە تۇندە جانە بۇگىن تاڭەرتەڭ SARS-CoV-2 ۆيرۋسىنا تاپسىرعان سىناماسى تەرىس ناتيجە كورسەتكەن. بۇل ونىڭ COVID-19-دان قۇلان تازا ايىققانىن بىلدىرەدى. وسىعان بايلانىستى پرەزيدەنت بايدەن قاتاڭ وقشاۋلاۋ شارالارىن توقتاتادى.
اق ءۇي باسشىسىنىڭ ءوزى دارىگەرلەرگە, سونداي-اق ونى قولداعانداردىڭ بارلىعىنا العىسىن ءبىلدىردى. تۆيتتەردەگى رەسمي پاراقشاسىندا ول تەستىلەۋ ناتيجەسى تەرىس بولعان سۋرەتىن جاريالاپ, جۇمىس كابينەتىنە قايتا ورالاتىنىن جازدى.