يراك استاناسى باعدادتا جۇزدەگەن ەرەۋىلشى پارلامەنت عيماراتىنا باسىپ كىرىپ, ساياسي جانە ديپلوماتيالىق عيماراتتار ورنالاسقان اۋماققا ءوتتى, دەپ حابارلايدى Egemen.kz Deutsche Welle سايتىنا سىلتەمە جاساپ.
اس-سادر مۋكتادانىڭ جاقتاستارى يراننىڭ قولشوقپارى دەپ سانايتىن قارسىلاسى مۇحاممەد اس-ءسۋدانيدى ەلدىڭ پرەمەر-ءمينيسترى ەتىپ تاعايىنداۋ جوسپارىنا نارازىلىق ءبىلدىرىپ وتىر.
27 شىلدەدە يراك ءوزىنىڭ انتيرەكوردىن جاڭارتىپ, 290 كۇن تولىققاندى ۇكىمەت بولمادى. الدىڭعى رەكورد - 289 كۇن, ول 2010 جىلى بولعان. اس-سادر باسقاراتىن سادريستىك قوزعالىس توعىز اي بۇرىن, وتكەن جىلدىڭ قازان ايىندا وتكەن سايلاۋدا سالىستىرمالى باسىم داۋىسقا يە بولعان, بىراق جاڭا مينيسترلەر كابينەتىن قۇرۋ جونىندەگى كەلىسسوز بۇكىل شيت جانە كۇرد توپتارىنىڭ ىمىراعا كەلە الماۋى سەبەبىمەن ءالى دە بيلىككە كەلە المادى.
پارلامەنت عيماراتى باعدادتىڭ ايگىلى قاتاڭ كۇزەتىلەتىن «جاسىل ايماقتا» ورنالاسقان. پوليتسەيلەردىڭ كوزدەن جاس اعىزاتىن گاز بەن سۋ اتقىش قولدانعانىنا قاراماستان, قاۋىپسىزدىك قىزمەتكەرلەرى سادريستىك توپتى توقتاتا المادى. بۇل كەزدە پارلامەنت عيماراتىندا بىردە-ءبىر دەپۋتات بولعان جوق. سايلاۋدان كەيىن اۋىستىرىلۋىن توعىز اي بويى كۇتكەن پرەمەر-ءمينيستردىڭ مىندەتىن اتقارۋشى مۇستافا ءال-قاديمي نارازىلىق بىلدىرۋشىلەردى عيماراتتان كەتۋگە شاقىردى, بىراق سادريستەر ونى تىڭداماي, شۋ شىعارىپ, جالاۋ جەلبىرەتۋدى, ءان ايتۋدى جالعاستىردى.
ەلدە تولىققاندى ۇكىمەتتىڭ بولماۋى يراكتى بيىل بەكىتىلگەن بيۋدجەتسىز, ال ينفراقۇرىلىمدىق جوبالار مەن رەفورمالارىن قارجىلاندىرۋسىز قالدىردى.
مۋكتادا اس-سادردىڭ جاقتاستارى 2016 جىلعى تارتىپسىزدىك كەزىندە دە پارلامەنتكە باسىپ كىرگەن.
2019 جىلى يراكتا كوپشىلىكتىڭ سىبايلاس جەمقورلىق, جۇمىسسىزدىق پەن كەدەيلىككە قارسى نارازىلىق ءبىلدىرۋى كەزىندە الدەقايدا اۋىر تارتىپسىزدىك بولىپ, جۇزدەگەن ادام قايتىس بولدى.