پاۆلودار وبلىسىنىڭ بايەت اۋىلى ماڭىندا ۆاحتامەن جۇمىس ىستەيتىن ادامداردى تاسيتىن اۆتوبۋس اۋدارىلدى. سالدارىنان 16 جولاۋشى زارداپ شەكتى, دەپ حابارلايدى Egemen.kz.
وبلىستىق جەدەل جاردەم ستانتسياسىنىڭ مالىمەتىنشە, 103 جەلىسىنە ءىرى جول-كولىك وقيعاسى تۋرالى حابارلاما بۇگىن ساعات 12:38-دە تۇسكەن.
«قوڭىراۋ شالۋشىلاردىڭ ايتۋىنشا, ەكىباستۇزدان 25 شاقىرىم جەردە ۆاحتاشىلاردى اتىراۋعا الىپ بارا جاتقان اۆتوبۋس اۋدارىلعان. وقيعا ورنىنا 5 جەدەل جاردەم بريگاداسى جىبەرىلدى», دەدى ستانتسيادان.
مەديتسينا قىزمەتكەرلەرى شاقىرۋ ورنىنا 14 مينۋتتا جەتكەن. اۆتوبۋستا بارلىعى 32 ادام بولعان. ونىڭ 16-سى ەكىباستۇز قالالىق اۋرۋحاناسىنا جەتكىزىلدى.
«19-53 جاس ارالىعىنداعى ەر ادامداردا باسسۇيەك مي جاراقاتتارى, ميدىڭ شايقالۋى, ءتۇرلى كوگەرۋلەر مەن سىنىقتار تىركەلدى», دەلىنگەن وبلىستىق جەدەل جاردەم ستانتسياسى مالىمەتىندە.
وبلىستىق پوليتسيا دەپارتامەنتى جول اپاتى تۋرالى ازىرگە اقپارات ۇسىنعان جوق.