بۇل تۋرالى اكىمشىلىك پوليتسيا كوميتەتى توراعاسىنىڭ ورىنباسارى جاندوس مۇراتاليەۆ ونلاين بريفينگ ءبارىسىندا مالىم ەتتى, دەپ حابارلايدى Egemen.kz.
«بۇل ماسەلە ءبىرىنشى جىل تالقىلانىپ وتىرعان جوق. بۇل الماتى حالقىنىڭ كوبى ەلەكتروساموكاتتاردى بەلسەندى پايدالانا باستاعان كەزدەن تۋىندادى. ءبىز ماسەلەنى ءۇش جىل تالقىلاي كەلە, زاڭنامالىق نەگىزدە وزگەرىستەر ەنگىزۋدى, ەلەكتروساموكاتتارعا قويىلاتىن ستاندارتتاردى بەكىتۋ شەشىمىن قابالدادىق. ستاندارتتار قابىلدانعاننان كەيىن جول قوزعالىسى تۋرالى زاڭعا, جول قوزعالىسى ەرەجەلەرىنە جانە اكىمشىلىك كودەكسكە وزگەرىستەر ەنگىزەتىن بولامىز», دەدى جاندوس مۇراتاليەۆ.
ونىڭ ايتۋىنشا, بەكىتىلگەن ستاندارتتا ساموكاتتاردى سەرتيفيكاتتاۋ جانە ولاردىڭ قوزعالىسىن رەتتەۋ شارالارى كورسەتىلگەن.
«بولاشاقتا «جول قوزعالىسى تۋرالى» زاڭدا ءبىز ەلەكتروساموكاتتىڭ جۇرگىزۋشىسى كىم ەكەنىن, ونىڭ قانداي قۇقىقتارى بار ەكەنىن كورسەتەمىز. بۇل نورمالار باسقا مەملەكەتتىك ورگاندارمەن جانە جۇرتشىلىقپەن تالقىلاناتىن بولادى. وسى ستاندارتتى قابىلداۋ كەزىندە ۋربانيستەردىڭ, بلوگەرلەردىڭ, جۇرتشىلىقتىڭ پىكىرلەرى ەسكەرىلدى», دەپ اتاپ ءوتتى اكىمشىلىك پوليتسيا كوميتەتى توراعاسىنىڭ ورىنباسارى.
ايتۋىنشا, ەلەكتروساموكاتتاردى باسقارۋ ءۇشىن جۇرگىزۋشى كۋالىگى تالاپ ەتىلمەيدى. الايدا, مىندەتتى شارت - ەگەر ازامات ەلەكتروساموكاتپەن ۆەلوسيپەد نەمەسە كولىك جولىنا شىعاتىن بولسا, وندا ول 16 جاسقا تولۋى ءتيىس.
سونداي-اق ەلەكتروساموكاتتار تۇنگى ۋاقىتتا جۇرۋگە مۇمكىندىك بەرەتىن جارىقتارمەن جابدىقتالۋى كەرەك.