قايعىلى جاعداي الاكول اۋداننىڭ ورتالىعى ءۇشارال قالاسىندا بولعان, دەپ حابارلايدى Egemen.kz.
پوليتسەيلەردىڭ مالىمەتىنشە, تراكتوردى 50 جاستاعى ەر ادام جۇرگىزگەن. ول بالانىڭ اتا-اناسىنا ءشوپ جەتكىزگەن. اتا-اناسى ءۇي شارۋاسىمەن جۇرگەن كەزدە 6 جاسار بالا تراكتوردىڭ تىركەگىشىنە ءمىنىپ العان.
«تراكتور قوزعالعان كەزدە بالا تىركەگىشتىڭ دوڭگەلەگىنىڭ استىندا قالعان. قازىر اتالعان فاكتى نەگىزىندە قر قىلمىستىق كودەكسىنىڭ 104 بابى 1-تارماعىنا سايكەس تەرگەۋ ءجۇرىپ جاتىر. قاجەتتى سوت-مەديتسينالىق ساراپتامالار تاعايىندالدى», دەپ مالىمدەدى جەتىسۋ وبلىستىق پوليتسيا دەپارتامەنتى ءباسپاسوز قىزمەتى.