سىرداريا ۋنيۆەرسيتەتىنە جۇمابەك تاشەنوۆتىڭ ەسىمى بەرىلدى

«1998 جىلى جەتىساي قالاسىندا اشىلعان سىرداريا ۋنيۆەرسيتەتى بۇگىندە تاريحى مەن ءداستۇرى قالىپتاسقان جەكە جوعارى وقۋ ورىندارىنىڭ بىرىنە اينالدى. وسىعان بايلانىستى وقۋ ورنىنا جەرلەسىمىز, بەلگىلى مەملەكەت جانە قوعام قايراتكەرى جۇمابەك تاشەنوۆتىڭ اتىن بەرۋ ۇسىنىلىپ, ول ءبىراۋىزدان قولداۋ تاپتى. سونداي-اق ۇكىمەت جانە عىلىم جانە جوعارى ءبىلىم مينيسترلىگىنە ۋنيۆەرسيتەتتى شىمكەنت قالاسىنا كوشىرۋ تۋرالى ۇسىنىس جولداندى. ەندى ج.تاشەنوۆ اتىنداعى ۋنيۆەرسيتەت جاڭا وقۋ جىلىن ءۇشىنشى مەگاپوليس تورىندە باستاماق», دەدى ۋنيۆەرسيتەت رەكتورى قانات بايبولوۆ.

قازىرگى تاڭدا ۋنيۆەرسيتەت باكالاۆرياتتىڭ 13 باعىتى بويىنشا - 31, ماگيستراتۋرانىڭ 5 باعىتى بويىنشا 6 ماماندىق يەلەرىن وقىتادى.

قانات بايبولوۆتىڭ ايتۋىنشا, وقۋ ورنىندا 850 ستۋدەنتكە ارنالعان 4 جاتاقحانا بار.