قوستاناي وبلىسىنداعى 4 مەكتەپكە ابايدىڭ, ال 3 ءبىلىم ورداسىنا ءاليحان بوكەيحاننىڭ ەسىمى بەرىلمەك. بۇل تۋرالى ۇكىمەتتىڭ ءتيىستى قاۋلىسى اشىق تالقىعا شىعارىلدى, دەپ حابارلايدى Egemen.kz.
«قوستاناي قالاسىنداعى №27 مەكتەپكە, رۋدنىي قالاسىنداعى №18 مەكتەبىنە, جىتىقارا اۋدانىنداعى №3 مەكتەپ-ليتسەيىنە جانە ليساكوۆ قالاسىنداعى جالپى ءبىلىم بەرەتىن №3 مەكتەبىنە ابايدىڭ ەسىمى بەرىلسىن. ال, قوستاناي قالاسىنىڭ №29 مەكتەبى, ارقالىق قالاسىنداعى رودينا مەكتەبى جانە رۋدنىيداعى №2 قاشار مەكتەبى ءاليحان بوكەيحاننىڭ اتىمەن اتالسىن. سونمەن قاتار, رۋدنىي قالالىق № 19 مەكتەبىنە احمەت بايتۇرسىن ۇلىنىڭ, ال №15 مەكتەبىنە مىرجاقىپ دۋلات ۇلىنىڭ ەسىمى بەرىلسىن. قاراسۋ اۋدانىنداعى قازاق تىلىندە ءبىلىم بەرەتىن مەكتەپ ىبىراي التىنساريننىڭ ەسىمىمەن اتالسىن. سونداي-اق امانگەلدى اۋدانىنداعى ن. كرۋپسكايا اتىنداعى نەگىزگى ءبىلىم بەرەتىن مەكتەپكە جۇماتاي سابىرجان ۇلىنىڭ اتى بەرىلسىن», دەپ كورسەتىلگەن قاۋلىدا.