اقتوبە. 1 مامىر. اقتوبە قالاسىنداعى قوعامدىق كولىكتەردە جول ءجۇرۋ باعاسى بۇگىننەن باستاپ قىمباتتادى. بۇل تۋرالى egemen.kz ءتىلشىسى حابارلادى.
ۇلكەن جانە ورتاشا سىيىمدىلىقتاعى اۆتوبۋستاردا جولاقى باعاسى - 55 تەڭگە, ال شاعىن سىيىمدىلىقتاعى اۆتوبۋستاردىڭ جولاقىسى 60 تەڭگە بولدى. «اۆتوپارك» سەرىكتەستىگى جول ءجۇرۋ باعاسىنا وزگەرتۋلەر ەنگىزۋ تۋرالى ماسەلەنى بىلتىردان بەرى كوتەرگەن. «ەمشان» كومپانياسىنىڭ باسشىسى مەيىرجان وندىرگەنوۆتىڭ ايتۋىنشا, قالالىق اكىمدىكتە جاڭا جولاقى باعاسى بيىل بەكىتىلىپتى. جولاقىنىڭ جاڭا ءتاريفى «اۆتوپارك» مەكەمەسىنە الداعى ۋاقىتتا ەكولوگيالىق قاۋىپسىزدىگى جاعىنان تالاپتارعا تولىق جاۋاپ بەرەتىن وتاندىق, سونداي-اق, شەتەلدەردەن شىعارىلعان جاڭا اۆتوبۋستاردى ساتىپ الۋعا, تۇراقتى جۇمىس ورنىن ساقتاۋعا مۇمكىندىك بەرەدى دەپ كۇتىلۋدە. مۇنىڭ تاعى ءبىر جاعى, ول وسى سالاداعى كاسىبي مامانداردىڭ قاتارىن تولىقتىرۋ ءۇشىن ەڭبەكاقى كولەمىن وسىرۋگە, كاسىپورىننىڭ ماتەريالدىق-تەحنيكالىق بازاسىن جاڭارتۋعا, دياگنوستيكالىق جابدىقتار مەن ستانوكتار, باسقا دا وندىرىسكە قاجەتتى قۇرال-جابدىقتار ساتىپ الۋعا كومەكتەسۋگە ءتيىس.
ساتىبالدى ءساۋىرباي.
دەرەككوز: egemen.kz.
فوتو: auto.headline.kz.