2014 جىلعى 26 اقپان, استانا, ۇكىمەت ءۇيى
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن نىسانالى اعىمداعى ترانسفەرتتەردى پايدالانۋ قاعيدالارىن بەكىتۋ تۋرالى
«2014 – 2016 جىلدارعا ارنالعان رەسپۋبليكالىق بيۋدجەت تۋرالى» 2013 جىلعى 3 جەلتوقسانداعى قازاقستان رەسپۋبليكاسى زاڭىنىڭ 14-بابىن جانە «2014 – 2016 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 12 جەلتوقسانداعى № 1329 قاۋلىسىن ىسكە اسىرۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن نىسانالى اعىمداعى ترانسفەرتتەردى پايدالانۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ مينيسترلىگى زاڭنامادا بەلگىلەنگەن تارتىپپەن نىسانالى اعىمداعى ترانسفەرتتەردىڭ بەكىتىلگەن سومالارىن وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە اۋدارۋدى قامتاماسىز ەتسىن.
3. وبلىستاردىڭ, استانا جانە الماتى قالالارىنىڭ اكىمدەرى:
1) نىسانالى اعىمداعى ترانسفەرتتەردىڭ بولىنگەن سومالارىن ۋاقتىلى جانە ماقساتتى پايدالانۋدى;
2) ەسەپتى ايدان كەيىنگى ايدىڭ 15-كۇنىنە دەيىن قازاقستان رەسپۋبليكاسى دەنساۋلىق ساقتاۋ مينيسترلىگىنە نىسانالى اعىمداعى ترانسفەرتتەردىڭ بولىنگەن سومالارىنىڭ پايدالانىلۋى تۋرالى ەسەپتەر بەرۋدى قامتاماسىز ەتسىن.
4. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س. احمەتوۆ.
قازاقستان رەسپۋبليكاسى ۇكىمەتىنىڭ قاۋلىسى
2014 جىلعى 26 اقپانداعى №156 قاۋلىسىمەن بەكىتىلگەن
وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن نىسانالى اعىمداعى ترانسفەرتتەردى پايدالانۋ قاعيدالارى
1. جالپى ەرەجەلەر
1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2014 جىلعا ارنالعان رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن نىسانالى اعىمداعى ترانسفەرتتەردى پايدالانۋ قاعيدالارى (بۇدان ءارى – قاعيدالار) «2014 – 2016 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسى زاڭىنىڭ 14-بابىنا جانە «2014 – 2016 جىلدارعا ارنالعان رەسپۋبليكالىق بيۋدجەت تۋرالى» قازاقستان رەسپۋبليكاسىنىڭ زاڭىن ىسكە اسىرۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 12 جەلتوقسانداعى № 1329 قاۋلىسىنا سايكەس ازىرلەندى.
2. وسى قاعيدالاردا پايدالانىلاتىن نەگىزگى ۇعىمدار:
1) جان باسىنا شاققانداعى ءنورماتيۆتىڭ ىنتالاندىرۋشى كومپونەنتى (بۇدان ءارى – جنىك) – ۋاكىلەتتى ورگان ايقىندايتىن تارتىپپەن ينديكاتورلاردىڭ نەگىزىندە قول جەتكىزىلگەن تۇپكىلىكتى ناتيجەلەر ءۇشىن مەديتسينالىق-سانيتاريالىق العاشقى كومەك (بۇدان ءارى – مساك) كورسەتەتىن دەنساۋلىق ساقتاۋ سۋبەكتىسىنىڭ قىزمەتكەرلەرىن ىنتالاندىرۋعا باعىتتالعان كەشەندى جان باسىنا شاققانداعى ءنورماتيۆتىڭ ىنتالاندىرۋشى كومپونەنتى;
2) دەنساۋلىق ساقتاۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – ازاماتتاردىڭ دەنساۋلىعىن ساقتاۋ, مەديتسينالىق جانە فارماتسەۆتيكالىق عىلىم, مەديتسينالىق جانە فارماتسەۆتيكالىق ءبىلىم بەرۋ, حالىقتىڭ سانيتاريالىق-ەپيدەميولوگيالىق سالاۋاتتىلىعى, دارىلىك زاتتاردىڭ, مەديتسينالىق ماقساتتاعى بۇيىمدار مەن مەديتسينالىق تەحنيكانىڭ اينالىسى, مەديتسينالىق قىزمەتتەر كورسەتۋ ساپاسىن باقىلاۋ سالاسىنداعى باسشىلىقتى جۇزەگە اسىراتىن مەملەكەتتىك ورگان;
3) دەنساۋلىق ساقتاۋ سالاسىنداعى ۋاكىلەتتى ورگاننىڭ ۆەدومستۆوسى – ءوز قۇزىرەتى شەگىندە تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا قىزمەت بەرۋشىنى تاڭداۋ جانە ولارعا شىعىندارىن وتەۋدى, بىرىڭعاي ۇلتتىق دەنساۋلىق ساقتاۋ جۇيەسىن ەنگىزۋ مەن دامىتۋ مونيتورينگىن جۇزەگە اسىرۋ سالاسىندا رەتتەۋ جانە ىسكە اسىرۋ فۋنكتسيالارىن جۇزەگە اسىراتىن مەملەكەتتىك ورگان.
3. قاعيدالار وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ رەسپۋبليكالىق بيۋدجەتتەن دەنساۋلىق ساقتاۋعا بەرىلەتىن نىسانالى اعىمداعى ترانسفەرتتەردى مىناداي رەسپۋبليكالىق بيۋدجەتتىك باعدارلامالار بويىنشا پايدالانۋ ءتارتىبىن ايقىندايدى:
010 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تەگىن مەديتسينالىق كومەكتىڭ كەپىلدىك بەرىلگەن كولەمىن قامتاماسىز ەتۋگە جانە كەڭەيتۋگە بەرىلەتىن نىسانالى اعىمداعى ترانسفەرتتەر»;
038 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى دەڭگەيدە مەديتسينالىق دەنساۋلىق ساقتاۋ ۇيىمدارىن ماتەريالدىق-تەحنيكالىق جاراقتاندىرۋعا بەرىلەتىن نىسانالى اعىمداعى ترانسفەرتتەر».
4. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە تەگىن مەديتسينالىق كومەكتىڭ كەپىلدىك بەرىلگەن كولەمىن (بۇدان ءارى – تمككك) قامتاماسىز ەتۋگە جانە كەڭەيتۋگە بەرىلەتىن نىسانالى اعىمداعى ترانسفەرتتەر:
1) سكرينينگىلىك زەرتتەۋلەر جۇرگىزۋگە:
بالالار مەن ەرەسەكتەردىڭ نىسانالى توپتارى اراسىندا «ۆ» جانە «س» گەپاتيتتەرىن انىقتاۋعا;
ايەلدەر اراسىندا جاتىر موينى وبىرىن انىقتاۋعا;
ەرەسەك تۇرعىندار اراسىندا كولورەكتالدىق وبىردى ەكى كەزەڭدىك ادىسپەن انىقتاۋعا;
اقتوبە, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان وبلىستارىنىڭ, استانا مەن الماتى قالالارىنىڭ ەرلەرى اراسىندا قۋىقاستى بەزى وبىرىن انىقتاۋعا;
اقتوبە, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان وبلىستارىنىڭ, استانا مەن الماتى قالالارىنىڭ تۇرعىندارى اراسىندا وڭەش وبىرىن جانە اسقازان وبىرىن انىقتاۋعا;
اقتوبە, اتىراۋ, شىعىس قازاقستان, باتىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان وبلىستارىنىڭ, استانا مەن الماتى قالالارىنىڭ تۇرعىندارى اراسىندا باۋىر وبىرىن انىقتاۋعا;
2) تمككك شەڭبەرىندە بەكىتىلگەن حالىققا امبۋلاتوريالىق-ەمحانالىق كومەك (بۇدان ءارى – اەك) كورسەتۋگە, سونداي-اق مساك كورسەتەتىن قالالىق ماڭىزى بار دەنساۋلىق ساقتاۋ سۋبەكتىلەرىنىڭ قىزمەتىنە قول جەتكىزگەن تۇپكىلىكتى ناتيجەلەرى ءۇشىن جنىك اقى تولەۋ شىعىستارىنا;
3) تمككك شەڭبەرىندە ونكولوگيالىق ناۋقاستارعا مەديتسينالىق كومەك كورسەتۋگە, سونداي-اق قازاقستان رەسپۋبليكاسىنىڭ ۇكىمەتى ايقىنداعان ۇيىممەن جاسالعان شارت بويىنشا قارجى ليزينگى شارتىندا ساتىپ الىنعان مەديتسينالىق تەحنيكا ءۇشىن ليزينگىلىك تولەمدەردى وتەۋ شىعىستارىنا;
4) تمككك شەڭبەرىندە اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ مەديتسينالىق كومەك كورسەتۋىنە (شىعىندارىن وتەۋ رەسپۋبليكالىق بيۋدجەت قاراجاتى ەسەبىنەن جۇزەگە اسىرىلاتىن جوعارى مامانداندىرىلعان مەديتسينالىق كومەكتى جانە گەمودياليز قىزمەتتەرىن قوسپاعاندا), سونداي-اق جنىك تولەۋگە, قازاقستان رەسپۋبليكاسىنىڭ ۇكىمەتى ايقىنداعان ۇيىممەن جاسالعان شارتىنا سايكەس قارجى ليزينگى شارتىندا ساتىپ الىنعان مەديتسينالىق تەحنيكا ءۇشىن ليزينگىلىك تولەمدەردى وتەۋ شىعىستارىنا;
5) امبۋلاتوريالىق-ەمحانالىق ۇيىمداردا ونكولوگيالىق, ماممولوگيالىق كابينەتتەردى, ونكولوگيالىق ديسپانسەرلەردە (بولىمشەلەردە) امبۋلاتوريالىق حيميوتەراپيا كابينەتتەرىن, كونسۋلتاتسيالىق-دياگنوستيكالىق ەمحانالاردا (ورتالىقتاردا), كوپ بەيىندى اۋرۋحانالاردىڭ بولىمشەلەرىندە پروكتولوگيالىق كابينەت اشۋعا;
6) ونكولوگيالىق ديسپانسەرلەردە الەۋمەتتىك قىزمەتكەرلەر مەن پسيحولوگتاردى ەنگىزۋگە;
7) ۆاكتسينالار مەن باسقا دا يممۋندىق-بيولوگيالىق پرەپاراتتاردى, ديابەتكە قارسى پرەپاراتتاردى, تۋبەركۋلەزگە قارسى پرەپاراتتاردى, گەماتولوگيالىق ناۋقاستارعا ارنالعان حيميالىق پرەپاراتتاردى, گەموفيليامەن اۋىراتىن ناۋقاستارعا قان ۇيىتۋ فاكتورلارىن, ءجىتى ميوكارد ينفاركتى بار ناۋقاستار ءۇشىن ترومبوليتيكالىق پرەپاراتتاردى, «ۆ» جانە «س» ۆيرۋستىق گەپاتيتتەرىمەن اۋىراتىن بالالاردى جانە ەرەسەكتەردى ەمدەۋگە ارنالعان دارىلىك زاتتاردى, ايتۆ ينفەكتسياسىن جۇقتىرعان ادامداردى ەمدەۋگە جانە بايلانىستا بولعاننان كەيىنگى ادامداردىڭ پروفيلاكتيكاسىنا ارنالعان رەتروۆيرۋسقا قارسى پرەپاراتتاردى, مياستەنيامەن اۋىراتىن ناۋقاستاردى ەمدەۋگە ارنالعان پرەپاراتتاردى, رەنالدىق انەمياسى بار بۇيرەك فۋنكتسياسىنىڭ سوزىلمالى جەتىسپەۋشىلىگىمەن اۋىراتىن ناۋقاستاردى ەمدەۋگە ارنالعان پرەپاراتتاردى, مۋكوۆيستسيدوزبەن, مۋكوپوليساحاريدوزبەن, گوشە اۋرۋىمەن اۋىراتىن بالالاردى ەمدەۋگە ارنالعان پرەپاراتتاردى, بىتىراڭقى بەرىشپەن اۋىراتىن ناۋقاستارعا ارنالعان پرەپاراتتاردى, امبۋلاتوريالىق دەڭگەيدە ونكولوگيالىق ناۋقاستارعا ارنالعان دارىلىك زاتتاردى (تارگەنتتىك پرەپاراتتار), جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازان مەن ۇلتاباردىڭ ويىق جاراسى اۋرۋلارى بويىنشا وتەۋ كوەففيتسيەنتىن 0,5-تەن 1,0-گە دەيىن جەتكىزە وتىرىپ, حالىقتىڭ جەكەلەگەن ساناتتارىنا دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋعا پايدالانىلادى.
2. تەگىن مەديتسينالىق كومەكتىڭ كەپىلدىك بەرىلگەن كولەمىن قامتاماسىز ەتۋگە جانە كەڭەيتۋگە رەسپۋبليكالىق بيۋدجەتتەن بەرىلەتىن نىسانالى اعىمداعى ترانسفەرتتەردى پايدالانۋ ءتارتىبى
5. وبلىستاردىڭ, استانا مەن الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى قازاقستان رەسپۋبليكاسى ۇكىمەتىنىڭ 2012 جىلعى 25 قازانداعى № 1358 قاۋلىسىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ جونىندەگى قىزمەتتەر بەرۋشىنى تاڭداۋ جانە ونىڭ شىعىندارىن وتەۋ قاعيدالارىنا سايكەس تمككك كورسەتۋ بويىنشا, ونىڭ ىشىندە: ونكولوگيالىق ناۋقاستارعا مەديتسينالىق كومەك كورسەتۋگە; اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ حالىققا مەديتسينالىق كومەك كورسەتۋىنە; بەكىتىلگەن حالىققا اەك كورسەتۋگە; سكرينينگىلىك زەرتتەۋلەر جۇرگىزۋگە: بالالار مەن ەرەسەكتەردىڭ نىسانالى توپتارىنىڭ اراسىندا «ۆ» جانە «س» گەپاتيتتەرىن, جاتىر موينىنىڭ وبىرىن, كولورەكتالدى وبىردى ەكى كەزەڭدىك ءادىس بويىنشا, قۋىقاستى بەزىنىڭ وبىرىن, وڭەش وبىرىن, اسقازان وبىرىن, باۋىر وبىرىن انىقتاۋعا مەديتسينالىق كورسەتىلەتىن قىزمەتتى بەرۋشىنى تاڭداۋ ءراسىمىن جۇزەگە اسىرادى.
6. مەديتسينا قىزمەتكەرلەرىنىڭ ەڭبەگىنە اقى تولەۋ ءتارتىبىن كورسەتىلەتىن مەديتسينالىق كومەكتىڭ كولەمىنە, ساپاسىنا جانە جنىك قاراجاتى ەسەبىنەن سالالىق جۇيەگە قاراي دەنساۋلىق ساقتاۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) ايقىندايدى.
7. تاريفتەردى جانە جنىك قالىپتاستىرۋ ۋاكىلەتتى ورگانمەن 2009 جىلعى 26 قاراشاداعى № 801 بۇيرىعىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىنىڭ شەڭبەرىندە كورسەتىلەتىن مەديتسينالىق قىزمەتتەرگە تاريفتەردى قالىپتاستىرۋ جانە شىعىنداردى جوسپارلاۋ ادىستەمەسىنە سايكەس ايقىندالادى.
8. اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ تمككك شەڭبەرىندە ونكولوگيالىق ناۋقاستارعا, حالىققا مەديتسينالىق كومەك كورسەتكەنى ءۇشىن, بەكىتىلگەن حالىققا اەك كورسەتكەنى ءۇشىن اقى تولەۋ ۋاكىلەتتى ورگان بەكىتكەن تارتىپپەن جۇزەگە اسىرىلادى.
9. حالىقتىڭ مساك كورسەتەتىن دەنساۋلىق ساقتاۋ سۋبەكتىلەرىنە بەكىتىلۋدى ەركىن تاڭداۋىن جانە اۋىل مەن اۋدان دەڭگەيىندە جەلىنىڭ تۇراقتى جۇمىس ىستەۋىن قامتاماسىز ەتۋ ماقساتىندا وبلىستاردىڭ, استانا جانە الماتى قالالارىنىڭ جەرگىلىكتى اتقارۋشى ورگاندارى اەك كورسەتۋگە ارنالعان قاراجاتتى ۋاكىلەتتى ورگاننىڭ كەلىسىمى بويىنشا بولىنگەن قاراجات شەگىندە اۋىل, اۋدان جانە قالا دەڭگەيلەرىندەگى دەنساۋلىق ساقتاۋ سۋبەكتىلەرى اراسىندا قايتا ءبولۋدى جۇزەگە اسىرا الادى.
10. ۋاكىلەتتى ورگان تمككك قامتاماسىز ەتۋ جانە كەڭەيتۋ بويىنشا ءىس-شارالاردى ىسكە اسىرۋ شەڭبەرىندە نىسانالى اعىمداعى ترانسفەرتتەردىڭ ءتيىمدى پايدالانىلۋىن ۇيلەستىرۋدى جانە مونيتورينگىلەۋدى جۇزەگە اسىرادى.
اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرى پاتسيەنتتى ستاتسيونارلىق كومەك نىسانىندا مامانداندىرىلعان مەديتسينالىق كومەك كورسەتەتىن قالالىق جانە وبلىستىق دەنساۋلىق ساقتاۋ سۋبەكتىلەرىنە جوسپارلى ەمدەۋگە جاتقىزۋعا نەگىزسىز جولداعان جاعدايدا, ۋاكىلەتتى ورگان اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ مەديتسينالىق كومەك كورسەتۋىنە بولىنگەن قاراجات كولەمىنە وزگەرىستەر ەنگىزەدى.
11. ونكولوگيالىق ديسپانسەرلەردىڭ ونكولوگيالىق ناۋقاستارعا, اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ حالىققا مەديتسينالىق كومەك كورسەتۋگە, بەكىتىلگەن حالىققا تمككك شەڭبەرىندە اەك كورسەتۋگە, جنىك تولەۋگە ارنالعان نىسانالى اعىمداعى ترانسفەرتتەردىڭ ەنگىزىلۋىن جانە پايدالانۋىن ۇيلەستىرۋ مەن مونيتورينگىلەۋدى ۋاكىلەتتى ورگاننىڭ ۆەدومستۆوسى جۇزەگە اسىرادى.
12. وبلىستاردىڭ, استانا جانە الماتى قالالارىنىڭ اكىمدەرى تمككك قامتاماسىز ەتۋ جانە كەڭەيتۋ جونىندەگى ءىس-شارالاردى ىسكە اسىرۋ شەڭبەرىندە:
1) وسى قاعيدالارعا 4-تارماعى 1) تارماقشاسىندا كورسەتىلگەن سكرينينگىلىك زەرتتەۋلەردى جۇرگىزۋدى;
2) ونكولوگيالىق ناۋقاستارعا تولىق كولەمدە مەديتسينالىق كومەك كورسەتۋدى جانە ۋاكىلەتتى ورگان بەلگىلەگەن تارتىپپەن ونكولوگيالىق ناۋقاستىڭ ونكولوگيالىق ديسپانسەردى ەركىن تاڭداۋ قۇقىعىن ىسكە اسىرۋدى ەسەپكە الا وتىرىپ اقى تولەۋدى;
3) اۋداندىق ماڭىزى بار جانە اۋىلدىڭ دەنساۋلىق ساقتاۋ سۋبەكتىلەرىنىڭ تولىق كولەمدە مەديتسينالىق قىزمەت كورسەتۋدى جانە ۋاكىلەتتى ورگان بەلگىلەگەن تارتىپپەن دەنساۋلىق ساقتاۋ سۋبەكتىلەرىنىڭ اراسىندا ءوزارا ەسەپ ايىرىسۋدى ەسكەرە وتىرىپ اقى تولەۋدى;
4) تمككك شەڭبەرىندە بەكىتىلگەن حالىققا تولىق كولەمدە امبۋلاتوريالىق-ەمحانالىق كومەك كورسەتۋدى جانە ۋاكىلەتتى ورگان بەلگىلەگەن تارتىپپەن دەنساۋلىق ساقتاۋ سۋبەكتىلەرىنىڭ اراسىندا ءوزارا ەسەپ ايىرىسۋدى ەسكەرە وتىرىپ اقى تولەۋدى;
5) «تىركەلگەن حالىق تىركەلىمى» پورتالىندا (بۇدان ءارى – «تحت» پورتالى) ءوڭىر حالقى بويىنشا دەرەكتەردىڭ تۇتاستاي العاندا, ونىڭ ىشىندە بيۋدجەتتى قالىپتاستىرۋ ءۇشىن دۇرىستىعى مەن دايەكتىلىگىن جانە ولاردىڭ ۋاكىلەتتى ورگان بەلگىلەگەن تارتىپپەن وزەكتەندىرۋدى;
6) مساك كورسەتەتىن دەنساۋلىق ساقتاۋ سۋبەكتىلەرى قىزمەتىنىڭ تۇپكىلىكتى ناتيجەلەرىنە قول جەتكىزگەنى ءۇشىن دەنساۋلىق ساقتاۋ سۋبەكتىلەرىنىڭ العاشقى مەديتسينالىق سانيتاريالىق كومەك كورسەتەتىن ۋاكىلەتتى ورگان بەلگىلەگەن تارتىپپەن جنىك اقى تولەۋدى;
7) ۋاكىلەتتى ورگان بەلگىلەگەن تارتىپپەن قارجى ليزينگى شارتىندا ساتىپ الىنعان مەديتسينالىق تەحنيكا ءۇشىن ليزينگىلىك تولەمدەرگە اقى تولەۋدى;
8) امبۋلاتوريالىق-ەمحانالىق ۇيىمداردا ونكولوگيالىق, ماممولوگيالىق كابينەتتەردى, ونكولوگيالىق ديسپانسەرلەردە (بولىمشەلەردە) امبۋلاتوريالىق حيميوتەراپيا كابينەتتەرىن, كونسۋلتاتسيالىق-دياگنوستيكالىق ەمحانالاردا (ورتالىقتاردا), كوپ بەيىندى اۋرۋحانا بولىمشەلەرىندە پروكتولوگيالىق كابينەت اشۋدى;
9) ونكولوگيالىق ديسپانسەرلەردە الەۋمەتتىك قىزمەتكەرلەر مەن پسيحولوگتاردى ەنگىزۋدى قامتاماسىز ەتەدى.
3. دارiلiك زاتتاردى, ۆاكتسينالاردى جانە باسقا دا يممۋندىق-بيولوگيالىق پرەپاراتتاردى ساتىپ الۋعا رەسپۋبليكالىق بيۋدجەتتەن بەرىلەتىن نىسانالى اعىمداعى ترانسفەرتتەردى
پايدالانۋ ءتارتىبى
13. ۆاكتسينالاردى جانە باسقا دا يممۋندىق-بيولوگيالىق پرەپاراتتاردى, ديابەتكە قارسى پرەپاراتتاردى, تۋبەركۋلەزگە قارسى پرەپاراتتاردى, گەماتولوگيالىق ناۋقاستارعا ارنالعان حيميالىق پرەپاراتتاردى, گەموفيليامەن اۋىراتىن ەرەسەك ناۋقاستارعا قان ۇيىتۋ فاكتورلارىن, ءجىتى ميوكارد ينفاركتى بار ناۋقاستار ءۇشىن ترومبوليتيكالىق پرەپاراتتاردى, «ۆ» جانە «س» ۆيرۋستىق گەپاتيتتەرىمەن اۋىراتىن بالالار مەن ەرەسەكتەردى ەمدەۋگە ارنالعان دارىلىك زاتتاردى; ايتۆ ينفەكتسياسىن جۇقتىرعان ادامداردى ەمدەۋگە جانە بايلانىستان بولعاننان كەيىنگى پروفيلاكتيكاسىنا ارنالعان رەتروۆيرۋسقا قارسى پرەپاراتتاردى, مياستەنيامەن اۋىراتىن ناۋقاستاردى, رەنالدىق انەمياسى بار بۇيرەك فۋنكتسياسىنىڭ سوزىلمالى جەتىسپەۋشىلىگىمەن اۋىراتىن ناۋقاستاردى ەمدەۋگە ارنالعان پرەپاراتتاردى, مۋكوۆيستسيدوزبەن, مۋكوپوليساحاريدوزبەن, گوشە اۋرۋىمەن اۋىراتىن بالالاردى ەمدەۋگە ارنالعان پرەپاراتتاردى, بىتىراڭقى بەرىشپەن اۋىراتىن ناۋقاستارعا ارنالعان پرەپاراتتاردى, امبۋلاتوريالىق دەڭگەيدە ونكولوگيالىق ناۋقاستارعا ارنالعان دارىلىك زاتتاردى (تارگەنتتىك پرەپاراتتار) ساتىپ الۋدىڭ بىرىڭعاي ۇيىمداستىرۋشىسى دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋ جانە ولارمەن قامتاماسىز ەتۋ جونىندەگى بىرىڭعاي ديستريبيۋتور بولىپ تابىلادى.
وسى قاعيدالاردىڭ 13-تارماعىنىڭ ءبىرىنشى بولىگىندە كورسەتىلگەن دارiلiك زاتتاردى, ۆاكتسينالاردى جانە باسقا دا يممۋندىق-بيولوگيالىق پرەپاراتتاردى ساتىپ الۋ رەسپۋبليكاسى ۇكىمەتىنىڭ 2009 جىلعى 30 قازانداعى № 1729 قاۋلىسىمەن بەكىتىلگەن تەگىن مەديتسينالىق كومەكتىڭ كەپىلدىك بەرىلگەن كولەمىن كورسەتۋ بويىنشا دارىلىك زاتتاردى, پروفيلاكتيكالىق (يممۋنوبيولوگيالىق, دياگنوستيكالىق, دەزينفەكتسيالىق) پرەپاراتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى, فارماتسەۆتيكالىق قىزمەتتەردى ۇيىمداستىرۋ جانە وتكىزۋ ەرەجەسىنە (بۇدان ءارى – ۇيىمداستىرۋ جانە وتكىزۋ ەرەجەسى) سايكەس جۇزەگە اسىرىلادى.
جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازان مەن ۇلتاباردىڭ ويىق جاراسى اۋرۋلارى بويىنشا بويىنشا حالىقتىڭ جەكەلەگەن ساناتتارىنا وتەۋ كوەففيتسيەنتىن 0,5-تەن 1,0-گە دەيىن جەتكىزە وتىرىپ, دارىلىك زاتتاردى, مەديتسينالىق ماقساتتاعى بۇيىمداردى ساتىپ الۋدى وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى جۇزەگە اسىرادى.
14. وبلىستاردىڭ, استانا جانە الماتى قالالارىنىڭ اكىمدەرى
1) امبۋلاتوريالىق دەڭگەيدە دارىلىك زاتتارمەن جانە مەديتسينالىق ماقساتتاعى بۇيىمداردى قامتاماسىز ەتىلەتىن ناۋقاستاردىڭ ەلەكتروندىق تىركەلىمدەرىن قالىپتاستىرۋدى;
2) رەسپۋبليكالىق بيۋدجەتتەن بەرىلەتىن نىسانالى اعىمداعى ترانسفەرتتەردىڭ ەسەبىنەن ساتىپ الىناتىن دارىلىك زاتتاردىڭ جانە مەديتسينالىق ماقساتتاعى بۇيىمداردىڭ پايدالانىلۋىنا مونيتورينگ جۇرگىزۋدى;
3) ۋاكىلەتتى ورگان بەكىتكەن دارىلىك زاتتاردىڭ تىزبەسىنە سايكەس جۇرەكتىڭ يشەميالىق اۋرۋى, ارتەريالىق گيپەرتەنزيا, جۇرەك فۋنكتسياسىنىڭ سوزىلمالى جەتىسپەۋشىلىگى, اريتميا, پنەۆمونيا, وكپەنىڭ سوزىلمالى وبسترۋكتيۆتىك اۋرۋى, اسقازاننىڭ جانە ۇلتاباردىڭ ويىق جاراسى اۋرۋلارى بويىنشا تۇرعىنداردىڭ جەكەلەگەن ساناتتارى ءۇشىن دارىلىك زاتتاردى جانە مەديتسينالىق ماقساتتاعى بۇيىمداردى ساتىپ الۋعا جەرگىلىكتى بيۋدجەتتەن قاراجات ءبولۋ اعىمداعى نىسانالى ترانسفەرتتەردىڭ ەسەبىنەن رەسپۋبليكالىق بيۋدجەتتەن بولىنەتىن قاراجاتقا تەڭ مولشەردە قامتاماسىز ەتىلەدى;
4) حالىققا ينفەكتسيالىق اۋرۋلارعا قارسى ۆاكتسيناتسيانى جۇرگىزۋدى قامتاماسىز ەتەدى.
4. جەرگىلىكتى دەڭگەيدە دەنساۋلىق ساقتاۋ سۋبەكتىلەرىن ماتەريالدىق- تەحنيكالىق جاراقتاندىرۋعا رەسپۋبليكالىق بيۋدجەتتەن بەرىلەتىن نىسانالى اعىمداعى ترانسفەرتتەردى پايدالانۋ ءتارتىبى
15. وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە جەرگىلىكتى دەڭگەيدە دەنساۋلىق ساقتاۋ سۋبەكتىلەرىن ماتەريالدىق-تەحنيكالىق جاراقتاندىرۋعا بەرىلەتىن نىسانالى اعىمداعى ترانسفەرتتەر مەديتسينالىق تەحنيكانى, مەديتسينالىق ەمەس جابدىقتاردى, مەديتسينالىق ماقساتتاعى بۇيىمداردى ساتىپ الۋعا پايدالىنىلادى.
16. ۋاكىلەتتى ورگان بەكىتكەن مەديتسينالىق ماقساتتاعى بۇيىمداردىڭ, مەديتسينالىق تەحنيكانىڭ جانە مەديتسينالىق ەمەس جابدىقتاردىڭ ستاندارتتارى شەڭبەرىندە ۋاكىلەتتى ورگان وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارىمەن جەرگىلىكتى دەڭگەيدەگى دەنساۋلىق ساقتاۋ سۋبەكتىلەرىنە ارنالعان مەديتسينالىق تەحنيكانىڭ, مەديتسينالىق ەمەس جابدىقتاردىڭ, سونداي-اق مەديتسينالىق ماقساتتاعى بۇيىمداردىڭ تىزبەسىن كەلىسەدى.
17. مەديتسينالىق تەحنيكانى ساتىپ الۋدى ۇيىمداستىرۋدى قازاقستان رەسپۋبليكاسىنىڭ ۇكىمەتى ايقىنداعان زاڭدى تۇلعا ۇيىمداستىرۋ جانە وتكىزۋ ەرەجەسىنە سايكەس جۇزەگە اسىرادى, مەديتسينالىق تەحنيكانى, مەديتسينالىق ەمەس جابدىقتاردى, مەديتسينالىق ماقساتتاعى بۇيىمداردى ساتىپ الۋدى ۇيىمداستىرۋدى وبلىستاردىڭ, استانا جانە الماتى قالالارىنىڭ دەنساۋلىق ساقتاۋدى مەملەكەتتىك باسقارۋدىڭ جەرگىلىكتى ورگاندارى جۇزەگە اسىرادى.
مەديتسينالىق تەحنيكانى, مەديتسينالىق ەمەس جابدىقتاردى, مەديتسينالىق ماقساتتاعى بۇيىمداردى ساتىپ الۋ تىزبەسىن ۋاكىلەتتى ورگان ايقىندايدى.
5. نىسانالى اعىمداعى ترانسفەرتتەر بويىنشا
قاراجاتتى پايدالانۋ, ەسەپتىلىك
18. ۋاكىلەتتى ورگان وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە نىسانالى ترانسفەرتتەر بويىنشا ناتيجەلەر تۋرالى كەلىسىمنىڭ, تولەمدەر بويىنشا ءتيىستى بيۋدجەتتىك باعدارلامانى قارجىلاندىرۋدىڭ جەكە جوسپارىنىڭ نەگىزىندە نىسانالى اعىمداعى ترانسفەرتتەردى اۋدارۋدى جۇرگىزەدى.
19. نىسانالى اعىمداعى ترانسفەرتتەردى پايدالانۋ كەزىندە ۇنەمدەۋ پايدا بولعان جاعدايدا, وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى ۋاكىلەتتى ورگانمەن كەلىسىم بويىنشا ۇنەمدەۋ سوماسىن نىسانالى اعىمداعى ترانسفەرتتەر بويىنشا ناتيجەلەر تۋرالى كەلىسىمدە ايقىندالعان ناتيجەلەر كورسەتكىشتەرىن جاقسارتۋ ءۇشىن پايدالانۋعا قۇقىلى.
20. قانداي دا ءبىر وبلىس, استانا جانە الماتى قالالارى بولىنگەن قاراجاتتى تولىق يگەرمەگەن, ونىڭ ىشىندە وبلىستاردىڭ, استانا جانە الماتى قالالارىنىڭ تىكەلەي جانە تۇپكىلىكتى ناتيجەلەرگە قول جەتكىزۋ ناتيجەلەرى بويىنشا يگەرمەگەن جاعدايدا, ۋاكىلەتتى ورگان زاڭنامادا بەلگىلەنگەن تارتىپپەن نىسانالى ترانسفەرتتەردىڭ سومالارىن وبلىستاردىڭ, استانا جانە الماتى قالالارىنىڭ اراسىندا قايتا ءبولۋ تۋرالى قازاقستان رەسپۋبليكاسىنىڭ ۇكىمەتىنە ۇسىنىس ەنگىزەدى.
21. وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى جارتىجىلدىقتىڭ جانە ءبىر جىلدىڭ قورىتىندىلارى بويىنشا ۋاكىلەتتى ورگانعا نىسانالى ترانسفەرتتەر بويىنشا ناتيجەلەر تۋرالى كەلىسىمدەرگە سايكەس بولىنگەن نىسانالى ترانسفەرتتەردى پايدالانۋ ەسەبىنەن قول جەتكىزىلگەن تىكەلەي جانە تۇپكىلىكتى ناتيجەلەر تۋرالى ەسەپ بەرەدى.
22. ۋاكىلەتتى ورگان قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە مەرزىمدە قازاقستان رەسپۋبليكاسى قارجى مينيسترلىگىنە ەسەپتىلىكتى ۇسىنادى.