وزبەكستان پرەزيدەنتى شاۆكات ميرزيەەۆ قاراقالپاقستاندا توتەنشە جاعداي رەجيمىن مەرزىمىنەن بۇرىن توقتاتۋ تۋرالى جارلىققا قول قويدى, دەپ حابارلايدى Egemen.kz.
«توتەنشە جاعدايدى مەرزىمىنەن بۇرىن توقتاتۋ تۋرالى قاراقالپاقستان رەسپۋبليكاسى جوعارعى كەڭەسىنىڭ ۇندەۋىن نازارعا الىپ, سونداي-اق قاراقالپاقستان رەسپۋبليكاسى اۋماعىندا قوعامدىق ءتارتىپ قالپىنا كەلتىرىلگەنىن جانە قابىلدانعان شارالاردىڭ ارقاسىندا «توتەنشە جاعداي تۋرالى» وزبەكستان رەسپۋبليكاسى كونستيتۋتسيالىق زاڭىنىڭ 11-بابىنا سايكەس ازاماتتاردىڭ قاۋىپسىزدىگى, ولاردىڭ قۇقىعى مەن بوستاندىقتارىنىڭ قورعالۋى قامتاماسىز ەتىلدى», دەلىنگەن حابارلامادا.
21 شىلدەدە ساعات 5:00-دەن باستاپ قاراقالپاقستان رەسپۋبليكاسى اۋماعىنداعى توتەنشە جاعداي مەرزىمىنەن بۇرىن توقتاتىلدى.
«وسى جارلىق 2022 جىلعى 21 شىلدەدە ساعات 5:00-دەن باستاپ قولدانىسقا ەنگىزىلەدى جانە بۇقارالىق اقپارات قۇرالدارىندا دەرەۋ جاريالانۋعا ءتيىس», دەلىنگەن وزبەكستان پرەزيدەنتىنىڭ سايتىندا.