مەملەكەتتىك حاتشى ادىلبەك جاقسىبەكوۆتىڭ توراعالىعىمەن قازاقستان پرەزيدەنتى جانىنداعى كونسۋلتاتيۆتىك-كەڭەسشى ورگان – ۆەدومستۆولىق ناگرادالار جونىندەگى گەرالديكالىق كوميسسيانىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى.
وتىرىسقا ۆەدومستۆولىق جانە ولارعا تەڭەستىرىلگەن وزگە دە ناگرادالارمەن ماراپاتتاۋ جۇمىسىنىڭ جاي-كۇيى, «ەڭبەك ارداگەرى» مەدالىنىڭ قۇقىقتىق مارتەبەسىن بەكىتۋ, سونداي-اق, ۆەدومستۆولىق ناگرادالاردىڭ گەرالديكالىق سيپاتتاماسىن جەتىلدىرۋ جونىندەگى ۇسىنىستار قارالدى.
وتىرىس قورىتىندىسىندا ناقتى تاپسىرمالار مەن ۇسىنىمدار بەرىلدى.
ۆەدومستۆولىق ناگرادالار جونىندەگى گەرالديكالىق كوميسسيا مەملەكەت باسشىسىنىڭ 2011 جىلعى 30 قىركۇيەكتەگى №155 جارلىعىمەن قۇرىلعان. ونىڭ قۇرامىنا پرەزيدەنت اكىمشىلىگىنىڭ, پرەمەر-مينيستر كەڭسەسىنىڭ, وزگە دە مەملەكەتتىك ورگانداردىڭ وكىلدەرى, پارلامەنت دەپۋتاتتارى, قوعام قايراتكەرلەرى جانە كاسىبي ماماندار كىرەدى.
كوميسسيانىڭ نەگىزگى مىندەتى – ۆەدومستۆولىق ناگرادالاردىڭ نورماتيۆتىك قۇقىقتىق اكتىلەرىن جانە ولاردىڭ گەرالديكالىق سيپاتتامالارىن جەتىلدىرۋ.