«ارقالىق-تورعاي» اۆتوجولىندا جانگەلدين اۋداندىق اۋرۋحاناسىنىڭ جەدەل جاردەم كولىگى مەن «شەۆرولە نيۆ» جەڭىل اۆتوكولىگى سوقتىعىستى. العان جاراقاتىنان فەلدشەر كوز جۇمدى, دەپ حابارلايدى Egemen.kz.
جول اپاتى كەشە كەشكە 22.30 شاماسىندا «ارقالىق-تورعاي» اۆتوجولىندا بولعان.
«اتالعان فاكتى بويىنشا قر قك 345-1-بابى 3-تارماعى بويىنشا سوتقا دەيىنگى تەرگەۋ امالدارى باستالدى. قازىرگى ۋاقىتتا ساراپتاما تاعايىندالعان», دەپ اتاپ ءوتتى قوستاناي وبلىسى پد ءباسپاسوز قىزمەتى.
بەلگىلى بولعانداي, «شەۆرولە نيۆا» جۇرگىزۋشىسى دالا جولىمەن ءجۇرىپ كەلە جاتىپ, مانەۆردىڭ قاۋىپسىز ەكەنىنە كوز جەتكىزبەستەن, ەكىنشى جولدان باستى جولعا شىعىپ كەتكەن. سالدارىنان جانگەلدين ورتالىق اۋداندىق اۋرۋحاناسىنىڭ سانيتارلىق ارنايى اۆتوكولىگى – «ۋاز»-بەن سوقتىعىسقان.
«جول اپاتى سالدارىنان «ۋاز» اۆتوكولىگىندە بولعان فەلدشەر كوز جۇمدى. ايەل العان جاراقاتتارىنان اۋرۋحانادا قايتىس بولدى. سانيتارلىق ارنايى كولىكتىڭ جۇرگىزۋشىسى كوپتەگەن جاراقات العان», دەپ تولىقتىردى ۆەدومستۆودان.
سونداي-اق جۇرگىزىلگەن ساراپتاما بارىسىندا «شەرۆولە نيۆا» كولىگىنىڭ 32 جاستاعى جۇرگىزۋشىسى ماس كۇيدە بولعانى انىقتالدى.