سارسەنبى كۇنى شري-لانكا پرەزيدەنتىنىڭ مىندەتىن اتقارۋشى رانيل ۆيكراماسينگحە ەل پرەزيدەنتى بولىپ سايلاندى, دەپ حابارلايدى Egemen.kz تاسس اقپارات اگەنتتىگىنە سىلتەمە جاساپ.
بۇل تۋرالى ەل پارلامەنتىنىڭ سپيكەرى ماحيندا ياپا ابەيۆاردەنا مالىمدەدى.
ونىڭ ايتۋىنشا, ۆيكراماسينگحە 134, داللاس الاحاپەرۋما - 82, انۋرا كۋمار ديساناياكا – 3 داۋىس جيناعان. بارلىعى 225 دەپۋتاتتىڭ 223-ءى داۋىس بەردى, ەكەۋى كەلمەدى, بىرنەشە بيۋللەتەن جارامسىز دەپ تانىلدى.
شري-لانكا پارلامەنتى العاش رەت پرەزيدەنتتى بىرنەشە كانديداتتان سايلادى. شري-لانكا پرەزيدەنتى بۇكىل ەلدە وتەتىن سايلاۋدا بەس جىلدىق مەرزىمگە سايلانادى. گوتابايا رادجاپاكسا وتستاۆكاعا كەتۋى سەبەبىمەن, كونستيتۋتسياعا سايكەس, جاڭا پرەزيدەنتتى اعىمداعى مەرزىمنىڭ سوڭىنا دەيىن زاڭ شىعارۋشى ورگان سايلادى.
شري-لانكاداعى ساياسي جاعداي 9 شىلدەدە كۇنى شەرۋشىلەر مەملەكەت باسشىسى مەن پرەمەر-مينيستر رەزيدەنتسيالارىن باسىپ العان كەزدە ۋشىعا ءتۇستى. تارتىپسىزدىك كەزىندە 100-دەن استام ادام جاراقات العان. ۆيكراماسينگەنىڭ ايتۋىنشا, شري-لانكا داعدارىستان تولىق شىعۋ ءۇشىن ەلگە كەمىندە ءۇش جىل قاجەت.