قازاقستاندا ءسۇت زاۋىتتارى جابىلۋى مۇمكىن

قازاقستاندا ءسۇت 22%-عا قىمباتتادى. وندىرۋشىلەر قىمباتشىلىقتى رەسەيدەن اكەلىنەتىن وراۋىش ماتەريالداردىڭ قىمباتتاۋىمەن تۇسىندىرەدى. قازاقستاندا كوممۋنالدىق قىزمەت ارزانداپ جاتقان جوق.

«بىرىنشىدەن, قاپتاما قىمباتتاپ بارادى. قاڭتار مەن بۇگىنگى كۇندى الاتىن بولساق, سۇتكە ارنالعان قاپتاما 135%-عا قىمباتتادى. شىنىاياق پەن پلاستيك قاقپاقتان تۇراتىن قايماق پاكەتىنىڭ باعاسى 100% -دان استامعا كوتەرىلدى», دەدى «تەكەليسكي گورمولزاۆود» جشس ديرەكتورى دەنيس ديو.

شەنەۋنىكتەر ءسۇت باعاسىن تۇراقتاندىرۋ قورى ەسەبىنەن باعانى تۇراقتاندىرۋعا تىرىسۋدا. بۇل ءۇشىن بيۋدجەتتەن 15 ميلليارد تەڭگە ءبولىندى. 

«بۇگىنگى كۇنگە دەيىن سوڭعى ەكى ايدا ءسۇت باعاسى تۇراقتى, وزگەرىسسىز قالدى, ءوسىم بايقالعان جوق. ءسۇت باعاسىن تۇراقتاندىرۋ نەسيە مەحانيزمدەرى ارقىلى جۇزەگە اسىرىلادى. ياعني, بيىلعى جىلى ول 11-دەن 15-كە – 4 ملرد-قا ۇلعايتىلدى. بۇل نەسيەلەردىڭ بارلىعى ءبىر وندىرۋشىلەرگە نەمەسە جەلىلەرگە بەرىلگەن, ولاردىڭ بارلىعى قايتارىمدى», دەدى الماتى قالاسى كاسىپكەرلىك جانە ينۆەستيتسيالار باسقارماسى باسشىسىنىڭ ورىنباسارى ەرلان وماروۆ.

كاسىپكەرلەردىڭ ايتۋىنشا, بۇل شارا جەتكىلىكسىز. ولار مەملەكەتتەن وتاندىق وندىرۋشىلەردى قولداۋدى سۇراپ وتىر. ايتپەگەن كۇندە زاۋىتتاردىڭ جابىلىپ قالۋ قاۋپى بار.