استانا قالاسىنا بارىپ, قازاقستان حالقى اسسامبلەياسىنىڭ ءححى سەسسياسىنا قاتىسىپ كەلدىم. ەلباسىنىڭ سارابدال ساياساتىنا ءبىر مەن ەمەس, قازاقستاندا تۇراتىن 130-دان استام ەتنوس وكىلدەرىنىڭ ءدان رازى بولعانىن ءوز كوزىممەن كورىپ, ەرەكشە ءبىر قۋات الىپ ءھام ماقتانىش سەزىمىمەن ەلگە ورالدىم. سول سەزىمدى, ءىلتيپاتتى كورگەن تۋىستارىم وتە رازى.
نەگىزى تالدىقورعان وڭىرىندە ەكى مىڭنان استام كۇردتەر تۇرامىز. ەل زاڭناماسىنا ساي ەڭبەك ەتىپ, قۇقىعىمىز تەڭ قورعالۋدا. ەشكىمنەن قاعاجۋ كورگەمىز جوق. بىلە-بىلسەك, بۇل – تاتۋلىقتى تىرەك ەتىپ, قازاقستان رەسپۋبليكاسىنىڭ كوك بايراعىنىڭ استىندا ىنتىماقتى ساقتاي بىلگەندىكتىڭ جەمىسى. تاعى ءبىر باسا ايتار جايت – ەلباسى قازاقستان حالقى اسسامبلەياسىنا ەرەكشە كوڭىل بولگەندىكتەن وسىعان دەيىن وبلىستاردا ءبولىم بولىپ, ءمادەنيەت باسقارماسى قۇرامىندا جۇمىس ىستەگەن وبلىستىق فيليالدارى, ياعني دوستىق ۇيىندە باس قوساتىن ەتنوس وكىلدەرىنىڭ ۇجىمدارى ەندى جەكە باسقارماعا اينالىپ, قايتا قۇرىلاتىن بولدى. ءسويتىپ, قۇزىرى كەڭەيىپ, مارتەبەسى كوتەرىلگەن جاڭا باسقارما جۇمىسى تىڭ سەرپىن الاتىنى انىق. دوستىق ۇيلەرىنىڭ ءسان-سالتاناتى بۇرىنعىدان دا اساتىنى تاعى انىق.
شىنى كەرەك, وسىعان دەيىن دە ەتنوستارعا قاتىستى ماسەلەلەردىڭ وڭ شەشىم تاۋىپ كەلگەنى ءوڭىر باسشىسىنىڭ مەملەكەتتىك ساياساتقا ساي ءبىزدى قولداپ جۇرگەندىگىنىڭ جەمىسى عوي. سوندىقتان ءوز قانداستارىمنىڭ اتىنان ايتارىم تەك العىس. دارحان جۇرەكتى, كوڭىلى دالاسىنداي كەڭ قازاق جەرىنەن پانا تاۋىپ, ەڭبەك ەتىپ, ۇرپاق ءوسىرىپ وركەندەپ وتىرعانىمىز ىنتىماقتىڭ ارقاسى. سول ىنتىماقتىڭ ۇيىتقىسى بولۋ باستى پارىزىمىز, ءتىپتى, مىندەتىمىز دەپ سانايمىن. بۇل ويىمدى جەتىسۋ جەرىنە تاعدىردىڭ جازۋىمەن كەلىپ, ءوسىپ-ءونىپ وتىرعان بارلىق ەتنوس وكىلدەرى قولدارى حاق. ولاي دەيتىنىم, كۇندەلىكتى تىرلىكتە ارالاسىپ جۇرگەن جاندار كوزقاراستارى وسىنداي.
الي مومۋچوعلى,
«باربانگ» كۇردتەر اسسوتسياتسياسى
اۋماقتىق فيليالىنىڭ توراعاسى.
تالدىقورعان.