قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى «Ayana Holding» كومپانياسىنىڭ باسقارما توراعاسى ابدۋللا بەن لاحەدجدى قابىلدادى, دەپ حابارلايدى Egemen.kz.
سىرتقى ساياسي ۆەدومستۆونىڭ مالىمەتىنشە, سۇحبات بارىسىندا تاراپتار ەلوردادا «The Grand Mosque Residences» كوپفۋنكتسيونالدى تۇرعىن جانە ساۋدا كەشەنىنىڭ قۇرىلىسى جوباسىن ىسكە اسىرۋ پەرسپەكتيۆالارىن تالقىلادى.
مۇحتار تىلەۋبەردى ۇكىمەت جوبانى ىسكە اسىرۋ جانە سۇيەمەلدەۋگە قاجەتتى قولعابىس كورسەتۋگە دايىن ەكەنىن حابارلادى. كەزدەسۋ قورىتىندىسى بويىنشا تاراپتار اتالعان جوبانى پراكتيكالىق تۇرعىدا ىسكە اسىرۋ كەزەڭىنە ءوتۋ بويىنشا جۇمىستى جالعاستىرۋعا ۋاعدالاستى.
ءبىرىنشى كەزەڭنىڭ جالپى قۇنى - 576 ملن اقش دوللارى, ال جوبانىڭ جالپى قۇنى - 2 ملرد اقش دوللارى.