پاۆلودار. 30 ءساۋىر. پاۆلودار وبلىسى ەكىباستۇز قالاسىندا 33 جاستاعى ەر ادام تۋعان ۇلىن جۇدىرىعىمەن ۇرىپ ءولتىردى. بۇل تۋرالى Pavlodarnews.kz حابارلادى.
2014 جىلى تۋعان نارەستە العان جاراقاتتارى سالدارىنان اۋرۋحانادا كوز جۇمدى. وسى جانتۇرشىگەرلىك وقيعاعا تىكەلەي قاتىستى دەپ سانالعان كۇدىكتى قاماۋعا الىندى. جاۋاپكەر بۇرىن ءىستى بولماعان كورىنەدى.
اتالعان وقيعاعا بايلانىستى قىلمىستىق كودەكستىڭ 103-بابى, 3-ءبولىمى بويىنشا ءىس قوزعالدى. قازىر تەرگەۋ امالدارى باستالىپ كەتتى.
جولدىباي بازار.
دەرەككوز: Pavlodarnews.kz.
فوتو: Diapazon.kz.