قىرعىزستاننان قازاقستانعا تاعى 11 توننا قانت ەكسپورتتاماق بولعان. بۇل تۋرالى قىرعىز رەسپۋبليكاسى ۇلتتىق قاۋىپسىزدىك مەملەكەتتىك كوميتەتى شەكارا قىزمەتىنىڭ اقپارات جانە كوممۋنيكاتسيالار دەپارتامەنتى مالىمدەدى, دەپ حابارلايدى Egemen.kz.
«اق جول-اۆتوجول» باقىلاۋ-وتكىزۋ بەكەتىنە قىرعىزستان رەسپۋبليكاسىنىڭ ازاماتتارى - 1991 جىلى تۋعان ت.ۋ. جانە 1992 جىلى تۋعان س.ن. تىزگىندەگەن «مەرسەدەس-بەنتس» ماركالى ەكى جۇك كولىگى تەكسەرىلدى.
«جۇرگىزۋشىلەر شەكارا ناريادىنا كولىكتە ۇن ونىمدەرى (كيتلاپ) بار ەكەندىگى كورسەتىلگەن ىلەسپە قۇجاتتاردى ۇسىندى. تەكسەرۋ كەزىندە شەكاراشىلار ۇن جاشىكتەرىنىڭ ارتىنا جاسىرىلعان 11 توننا قانتتى تاپتى», دەپ حابارلادى ۆەدومستۆودان.
جۇرگىزۋشىلەر جالعان قۇجات ارقىلى قىرعىزستاننان قازاقستانعا قانتتى زاڭسىز ەكسپورتتاماق بولعان. قىرعىزستان رەسپۋبليكاسى ۇلتتىق قاۋىپسىزدىك مەملەكەتتىك كوميتەتىنىڭ شەكارا قىزمەتى قىرعىز رەسپۋبليكاسى مينيسترلەر كابينەتىنىڭ شەشىمىمەن ەلدەن تۇيىرشىكتەلگەن قانت پەن شيكى قانتتى التى ايعا دەيىن ەكسپورتتاۋعا ۋاقىتشا تىيىم سالعان.
ءتيىستى قۇجاتتار تولتىرىلعان سوڭ جۇرگىزۋشى مەن جۇك قۇزىرلى ورگان قىزمەتكەرلەرىنىڭ قاراۋىنا بەرىلدى.