ايەلدەر اراسىندا ارالاس جەكپە-جەكتەن UFC-دە ونەر كورسەتىپ جۇرگەن قازاقستاننىڭ جالعىز سپورتشىسى ماريا اگاپوۆا ءوزىنىڭ كەلەسى كەزدەسۋىن 1 تامىزدا وتكىزەدى.
اقش-تىڭ تەحاس قالاسىندا جەرلەسىمىز وڭتۇستىك كورەيانىڭ وكىلى دجي ەن كيممەن كۇش سىناسادى. 25 جاستاعى پاۆلودار وبلىسىنىڭ تۋماسى 2015 جىلدان بەرى سپورتتىڭ وسى تۇرىمەن شۇعىلدانادى. سول ارالىقتا 13 رەت وكتاگونعا شىعىپ, 10 رەت باسىمدىق تانىتتى. سەگىز قارسىلاسىن ەسىنەن تاندىردى. ءۇش رەت جەڭىلدى. وسىدان ەكى جىل بۇرىن اگاپوۆا UFC-مەن كەلىسىمشارتقا وتىردى. ال كيمدى دە مىقتىلار ساناتىنان دەپ ايتا المايمىز. ايقاس الاڭىنا 16 رەت شىققان ول 9 مارتە جەڭىسكە جەتىپ, بەس رەت ۇتىلدى. تاعى ەكى جەكپە-جەكتى تەڭ اياقتادى.
ال وتكەن اپتانىڭ اياعىندا برازيليالىق رافاەل دوس انوستى ۇرىپ جىققان ازەربايجاننىڭ تۋى استىندا ونەر كورسەتىپ جۇرگەن قازاقستاننىڭ تۋماسى رافاەل فيزيەۆ جەڭىل سالماقتىلاردىڭ رەيتينگىندە ەكى ساتىعا جوعارىلاپ, قازىر جەتىنشى ورىندى يەلەنۋدە.