استانا. 29 ءساۋىر. بۇگىن ساعات 15:00-دە ۇلتتىق اكادەميالىق كىتاپحانادا نەمىس قالامگەرى ەلەونورا حۋممەلدىڭ «بەرلين بالىقتارى» رومانىنىڭ قازاق تىلىنە اۋدارىلعان نۇسقاسىن وقىرمانعا تانىستىرۋ ماقساتىندا ارنايى تۇساۋكەسەر ءراسىمى وتەدى. بۇل تۋرالى egemen.kz ءتىلشىسى حابارلادى.
كىتاپتا ەلىمىزگە كوشىرىلىپ اكەلىنگەن نەمىستەردىڭ سوعىستان كەيىنگى تىرشىلىگى باياندالعان.
تۇساۋكەسەردى تانىمال جازۋشى مەرەكە قۇلكەنوۆ جۇرگىزەدى.
ەلەونورا حۋممەل 1970 جىلى تسەلينوگراد قالاسىندا (قازىرگى استانا) تۋعان. ول 10 جاسىندا وتباسىمەن بىرگە تاريحي وتانىنا قونىس اۋدارعان.
روماننىڭ اۆتورى جازۋشىلىقپەن جاستاي شۇعىلدانادى. 1995 جىلدان بەرى ءتۇرلى ادەبي جۋرنالداردا شىعارمالارى جاريالانىپ كەلەدى.
2006 جىلى شتەيدل/گيوتتينگەن باسپاسىنان جارىق كورگەن وسى ەڭبەگى ءۇشىن ول «روبەرتا بوش» قورىنىڭ ادەلبەرتو فون شاميسسو اتىنداعى ىنتالاندىرۋ سىيلىعىن يەلەنگەن.
ال «بەرلين بالىقتارىن» قازاق تىلىنە اۋدارماشى, جۋرناليست راۋزا مۇساباەۆا ءتارجىمالادى. روماننىڭ انا تىلىمىزدەگى نۇسقاسى «مەرەكەنىڭ باسپالار ءۇيى» باسپاسىنان جارىق كوردى.
جولدىباي بازار.
دەرەككوز: egemen.kz.
فوتو: Facebook.com.