الەمدە بيداي مەن ۇنعا سۇرانىس ارتتى

«سوڭعى 3 جىلدا استىق ەكۆيۆالەنتىندەگى ۇن مەن استىق ەكسپورتىنىڭ ورتاشا جىلدىق كولەمى شامامەن 9 ملن توننانى قۇرادى. «قازاقستان تەمىر جولى» اق-نىڭ دەرەكتەرىنە قاراعاندا, 10 شىلدەدەگى جاعداي بويىنشا استىق ەكۆيۆالەنتىندە 4,9 ملن توننا استىق پەن ۇن ەكسپورتىن قۇرادى. اتاپ ايتقاندا, رەسەي مەن ۋكرايناداعى گەوساياسي جاعدايعا بايلانىستى الەمدىك نارىقتا بيداي مەن ۇنعا سۇرانىستىڭ ارتۋى بۇل ونىمگە دەگەن ەكسپورتتىڭ وسۋىنە ىقپال ەتتى», دەلىنگەن ۆەدومستۆو اقپاراتىندا.

مينيسترلىكتىڭ مالىمەتىنشە, ەنگىزىلگەن شەكتەۋگە جانە بىلتىرعى قۇرعاقشىلىققا قاتىستى ەگىن ونىمدىلىگىنىڭ تومەندەۋىنە قاراماستان, ءداستۇرلى تۇردە ءونىم وتكىزىلەتىن نارىقتاردا بيداي مەن ۇن ەكسپورتىنىڭ قارقىنى ساقتالادى. بۇدان بۇرىن حابارلانعانداي, قازاقستان استىق ەكسپورتى بويىنشا ەۋرووداق ەلدەرىنىڭ جاڭا نارىقتارىنا شىعۋ جولدارىن پىسىقتاپ جاتىر.

ەسكە سالا كەتسەك, ەلدەن بيداي مەن بيداي ۇنىن سىرتقا اكەتۋگە شەكتەۋلەر ەنگىزىلدى. اۋىل شارۋاشىلىعى مينيسترلىگىنىڭ مالىمەتىنشە, بيىل استىق شىعىمى بىلتىرعىدان 15 پايىز جوعارى بولۋى مۇمكىن. ماۋسىم ايىندا مينيسترلىك قازاقستانداعى بيداي قورى جاڭا ەگىنگە دەيىن جەتكىلىكتى ەكەنىن جاريالادى.