استانا. 29 ءساۋىر. مىسىردا تىيىم سالىنعان «مۇسىلمان باۋىرلار» قوزعالىسىنىڭ جاقتاۋشىلارىنا قاتىستى سوت پروتسەسى اياقتالىپ, ۇيىم ليدەرى موحاممەد بادي باستاعان 683 ادام ءولىم جازاسىنا كەسىلدى. بۇل تۋرالى Lenta.ru حابارلادى.
سوتتالعانداردىڭ بارلىعىنا پوليتسيا ۋچاسكەلەرىنە جاسالعان شابۋىلدارعا جانە ءتارتىپ ساقشىسىنىڭ ولىمىنە قاتىستى بار دەگەن ايىپ تاعىلدى.
سونىمەن قاتار, سوت مۋحاممەد ءمۋرسيدىڭ جاقتاۋشىلارىنا قاتىستى 24 ناۋرىزدا شىعارعان ۇكىمىن قايتا قاراپ شىقتى. بۇل ۇكىمگە بايلانىستى, ەلدىڭ ەكس-پرەزيدەنتىنىڭ 529 جاقتاۋشىسى ءولىم جازاسىنا كەسىلگەن بولاتىن. ۇكىمدى قايتا قاراپ شىققان سوت تىزىمدەگى 37 ادامعا ءولىم جازاسىن قالدىرىپ, ال قالعاندارىن ءومىر بويىنا تۇرمەگە قاماۋعا شەشىم شىعاردى.
ايدار ورىسباەۆ.
دەرەككوز: Lenta.ru.
فوتو: Ntv.ru.