اتر مەن WTA رەيتينگى قايتا جاڭاردى. وكىنىشكە قاراي, ۋيمبلدون تۋرنيرىندە رەسەي مەن بەلارۋستىڭ وكىلدەرىن شەتتەتكەنى ءۇشىن بۇل تەننيسشىلەردىڭ وسى جارىستاعى ناتيجەلەرى ەسەپكە الىنبادى.
ايتپەگەندە لوندوندا ايدى اسپانعا شىعارىپ, باس جۇلدەنى ولجالاعان ەلەنا رىباكينا التىنشى ورىنعا كوتەرىلەتىن ەدى. بىراق ساياساتتىڭ ىقپالى سپورتقا ءتيىپ, ونداي باق ءبىزدىڭ ويىنشىعا بۇيىرمادى. دەسەك تە ازىرگە قازاقستاندىقتار اراسىنداعى ەڭ ۇزدىك كورسەتكىش رىباكيناعا تيەسىلى. WTA رەيتينگىندە ول 23 ورىندى يەلەنۋدە. ەلىمىزدىڭ ەكىنشى راكەتكاسى يۋليا پۋتينتسەۆا 43 ساتىعا جايعاستى. بۇل تىزىمدە پولشالىق يگا شۆەنتەك كوش باستاپ تۇر. ۋيمبلدوننىڭ فينالىندا ەلەناعا ەسە جىبەرگەن تۋنيستىك ونس جابەر ەكىنشى ورىندا. سونداي-اق ەستونيالىق انەتت كونتاۆەيت (ەستونيا), گرەكيالىق ماريا ساككاري جانە يسپانيالىق پاۋلا بادوسا ۇزدىك بەستىكتىڭ قاتارىندا.
ەرلەر سايىسىندا رەسەيلىك دانيل مەدۆەدەۆكە تەڭ كەلەر ەشكىم جوق. ەكىنشى ورىندا – گەرمانيالىق الەكساندر زۆەرەۆ. ودان كەيىنگى ساتىلارعا يسپانيالىق رافاەل نادال, گرەكيالىق ستەفانوس تسيتسيپاس جانە دانيالىق كاسپەر رۋد تابان تىرەدى. قازاقستاننىڭ ەڭ مىقتى تەننيسشىسى الەكساندر بۋبليك 50 ورىندى ەنشىلەۋدە.