اتىراۋ. 29 ءساۋىر. اتىراۋداعى «نورت كاسپيانوپەرەيتينگ كومپاني ب.ۆ.» كومپانياسىنىڭ باسىشىسى اۋىساتىن بولدى. بۇل تۋرالى اتالعان كومپانيانىڭ ءباسپاسوز قىزمەتى حابارلادى.
سولتۇستىك كاسپي جوباسىن ىسكە اسىراتىن بۇل بىردەن-ءبىر وپەراتور كومپانيا 2008 جىلى قۇرىلعان. سودان بەرى ونىڭ باسقارۋشى ديرەكتورى جانە توراعاسى قىزمەتىن پەر وففان مىرزا اتقارىپ كەلەدى. ەندى ونىڭ الداعى 1 مامىردان باستاپ اتقارىپ وتىرعان لاۋازىمىنان كەتەتىندىگى بەلگىلى بولدى.
سولتۇستىك كاسپي بويىنشا ءونىمدى ءبولىسۋ تۋرالى كەلىسىم اياسىندا «نورت كاسپيانوپەرەيتينگ كومپاني ب.ۆ.» كومپانياسىن باسقارۋشى بولىپ ستەفان دە مايۋ تاعايىندالدى. حالىقارالىق مۇناي-گاز جوبالارىندا اۋقىمدى تاجىريبە جيناقتاعان ول جاڭا قىزمەتىنە الداعى مامىردان باستاپ كىرىسكەلى وتىر. وسى كەزگە دەيىن «ەكسونموبيل» كومپانياسىندا وتىز جىلدان استام جۇمىس جاساعان ستەفان دە مايۋدىڭ ەڭبەك ءوتىلى كۇردەلى كوپ ۇلتتى جوبالاردى, سونىمەن قاتار, ءتۇرلى ەلدەردەگى باسقارۋشى لاۋازىمىنداعى قىزمەتتەردى قامتيدى.
جولداسبەك شوپەعۇل.
دەرەككوز: نكوك كومپانياسىنىڭ ءباسپاسوز قىزمەتى.
فوتو: oilnews.kz.