2013 جىلعى 30 جەلتوقسان, استانا قالاسى
«ءبىلىم الۋشىلارعا قارجى ۇيىمدارى بەرەتىن ءبىلىم بەرۋ كرەديتتەرى بويىنشا كەپىلدىك مولشەرىن بەلگىلەۋ قاعيدالارىن بەكىتۋ تۋرالى» 2013 جىلعى 19 ناۋرىزداعى № 97 قازاقستان رەسپۋبليكاسى ءبىلىم جانە عىلىم ءمينيسترىنىڭ بۇيرىعىنا وزگەرىستەر مەن تولىقتىرۋلار ەنگىزۋ تۋرالى
بۇيىرامىن:
1. «ءبىلىم الۋشىلارعا قارجى ۇيىمدارى بەرەتىن ءبىلىم بەرۋ كرەديتتەرى بويىنشا كەپىلدىك مولشەرىن بەلگىلەۋ قاعيدالارىن بەكىتۋ تۋرالى» 2013 جىلعى 19 ناۋرىزداعى № 97 قازاقستان رەسپۋبليكاسى ءبىلىم جانە عىلىم ءمينيسترىنىڭ بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2013 جىل 23 ساۋىردە № 8434 تىركەلگەن, 2013 جىلعى 12 ماۋسىمداعى № 198-199 (27472-27473) «كازاكستانسكايا پراۆدا» گازەتىندە جاريالانعان) تومەندەگىدەي وزگەرىستەر مەن تولىقتىرۋلار ەنگىزىلسىن:
اتالعان بۇيرىقپەن بەكىتىلگەن ءبىلىم الۋشىلارعا قارجى ۇيىمدارى بەرەتىن ءبىلىم بەرۋ كرەديتتەرى بويىنشا كەپىلدىك مولشەرىن بەلگىلەۋ قاعيدالارىندا:
2-تارماق:
مىنا مازمۇنداعى 5) تارماقشامەن تولىقتىرىلسىن:
«5) مەملەكەتتىك ءبىلىم بەرۋ جيناقتاۋ جۇيەسى - قازاقستان رەسپۋبليكاسىنىڭ زاڭناماسىمەن رەتتەلەتىن جانە قاتىسۋشى بانكتەردىڭ حالىقتىڭ سالىمدارىن تارتۋىنا جانە ولارعا سىياقىلار مەن مەملەكەت سىيلىقاقىلارىن ەسەپكە جازۋعا نەگىزدەلگەن, ءبىلىم بەرۋ قىزمەتتەرىنە اقى تولەۋگە ارنالعان اقشالاي جيناقتار جۇيەسى.»;
3-تارماق مىنا رەداكتسيادا جازىلسىن:
«3. كەپىلدىك مولشەرى كەپىلدىك تۋرالى ءوتىنىم بەرىلگەن كۇنگە دەيىنگى اكادەميالىق مەرزىمدەگى (سەمەستر) ءبىلىم الۋشىنىڭ ۇلگەرىمىنە بايلانىستى. ەگەر بۇرىنعى اكادەميالىق مەرزىمدەگى (سەمەستر) ۇلگەرىم تۋرالى اقپارات بولماعان جاعدايدا قابىلداۋ ەمتيحاندارىنىڭ قورىتىندىسى نە ۇلتتىق بىرىڭعاي تەستىلەۋ (بۇدان ءارى - ۇبت) نەمەسە كەشەندى تەستىلەۋدىڭ (بۇدان ءارى - كت) ناتيجەلەرى پايدالىنادى. ەگەر ءبىلىم الۋشىنىڭ بۇرىنعى اكادەميالىق مەرزىم (سەمەستر) ءۇشىن نەمەسە بىرنەشە بۇرىنعى اكادەميالىق مەرزىمدەر (سەمەستر) ءۇشىن وقۋ اقىسى بويىنشا قارىزدارى بار بولسا, ونىڭ ۇلگەرىمى كەپىلدىك الۋعا ءوتىنىش تۇسكەن كۇنگە سوڭعى اكادەميالىق مەرزىمنىڭ (سەمەستر) قورىتىندىلارى بويىنشا ەسەپتەلەدى.»;
6 جانە 7-تارماقتار مىنا رەداكتسيادا جازىلسىن:
«6. قازاقستان رەسپۋبليكاسى جوعارى وقۋ ورىندارىنا (بۇدان ءارى - جوو) ماگيستراتۋراعا وقۋعا تۇسۋشىلەردىڭ ۇلگەرىمى قابىلداۋ ەمتيحاندارى قورىتىندىلارىنىڭ پايىزدىق مازمۇنداعى ورتاشا اريفمەتيكالىق ماعىناسىن شىعارۋ ارقىلى ەسەپتەلەدى. قابىلداۋ ەمتيحاندارى ءارتۇرلى ءبىلىمدى باعالاۋ جۇيەلەرى (ارىپتىك جۇيە, پايىزدىق مازمۇندا, ءداستۇرلى جۇيە, بالداردىڭ تسيفرلىك بالاماسى) بويىنشا باعالانعان جاعدايدا ۇلگەرىم ءار ەمتيحان بويىنشا پايىزدىق مازمۇندا بولەك ەسەپتەلىپ, الىنعان قورىتىندىلاردىڭ ورتاشا اريفمەتيكالىق ءمانى انىقتالادى.
7. جوعارى ءبىلىمى بار ازاماتتار قىسقا مەرزىمدى وقۋ تۇرلەرىنە تۇسەتىن جاعدايدا ۇلگەرىم جوعارى ءبىلىم تۋرالى ديپلومعا قوسىمشاداعى قورىتىندى باعالاردىڭ اريفمەتيكالىق ماعىناسىن شىعارۋ ارقىلى ەسەپتەلەدى.»;
10-تارماق مىنا رەداكتسيادا جازىلسىن:
«10. كەپىلىك مولشەرى ءبىلىم بەرۋ كرەديتتەرىنە كەپىلدىك بەرۋدىڭ ءتيىستى باعدارلامالارىنا بايلانىستى وسى قاعيدالارعا «نەگىزگى قارىز سوماسىنان ەسەپتەلەتىن كەپىلدىك مولشەرىن انىقتاۋ» 2-قوسىمشاعا سايكەس 1-8 كەستەلەرى نەگىزىندە انىقتالادى.»;
11-تارماق:
4) تارماق الىنىپ تاستالسىن;
مىنا مازمۇنداعى 7), 8) تارماقتارمەن تولىقتىرىلسىن:
«7) قازاقستان رەسپۋبليكاسىنىڭ تەحنيكالىق جانە كاسىبي, ورتا بىلىمنەن كەيىنگى, جوعارى جانە جوعارى وقۋ ورىننان كەيىنگى (ماگيستراتۋرا) ءبىلىم بەرۋ ۇيىمدارىندا ءبىلىم بەرۋ قىزمەتتەرىن مەملەكەتتىك ءبىلىم بەرۋ جيناقتاۋ جۇيەسى شەڭبەرىندە ءجۇز پايىزدىق كەپىلدىكپەن;
8) قازاقستان رەسپۋبليكاسى اۋماعىندا ءوز قىزمەتىن جۇزەگە اسىراتىن جوو-لاردا ءبىلىم بەرۋ قىزمەتتەرىن كوپ بالالى, تولىق ەمەس جانە تۇرمىسى تومەن وتباسىلارداعى, جەتىم جانە اتا-انانىڭ قامقورىنسىز قالعان, مۇگەدەك نە اتا-اناسى مۇگەدەك نەمەسە زەينەتكەرلىك جاسقا جەتكەن ستۋدەنتتەر مەن ماگيسترانتتار ءۇشىن جەڭىلدىكتى شارتتارمەن ءجۇز پايىزدىق كەپىلدىكپەن.»;
12-تارماق مىنا رەداكتسيادا جازىلسىن:
«12. وسى قاعيدالاردىڭ 11-تارماعىنىڭ 1) - 7) تارماقشالارىندا كورسەتىلگەن ءبىلىم بەرۋ كرەديتتەرىن كەپىلدەندىرۋ باعدارلامالارى بويىنشا ءبىلىم بەرۋ كرەديتى قارىز الۋشىعا ءار قايسىسى ءبىر اكادەميالىق كەزەڭ (سەمەستر نەمەسە جىل) ءۇشىن وقۋدىڭ قۇنىنان اسپايتىن بولەك ترانشتارمەن بەرىلەدى, ءبىلىم بەرۋ كرەديتى قولما-قول اقشاسىز تارتىپپەن وقۋ ورىننىڭ ەسەپشوتىنا اۋدارىلادى. وسى قاعيدالاردىڭ 11-تارماعىنىڭ 8) تارماقشاسىندا كورسەتىلگەن ءبىلىم بەرۋ كرەديتتەرىن كەپىلدەندىرۋ باعدارلاماسى بويىنشا ءبىلىم بەرۋ كرەديتى قارىز الۋشىعا جوو-دا وقۋدىڭ بارلىق كەزەڭىنە بەرىلەدى.»;
16-تارماق الىنىپ تاستالسىن;
مىنا مازمۇنداعى 19, 20-تارماقتارمەن تولىقتىرىلسىن:
«19. وسى قاعيدالاردىڭ 11-تارماعىنىڭ 7) تارماقشاسىندا قاراستىرىلعان جاعدايدا كەپىلدىك مولشەرى وسى قاعيدالارعا «نەگىزگى قارىز سوماسىنان ەسەپتەلەتىن كەپىلدىك مولشەرىن انىقتاۋ» 2-قوسىمشاعا سايكەس 7-كەستەنىڭ نەگىزىندە نەگىزگى قارىز سوماسىنان 100% ء(جۇز پايىزدى) قۇرايدى.
بۇل باعدارلاما مەملەكەتتىك ءبىلىم بەرۋ جيناقتاۋ جۇيەسى شەڭبەرىندە شارت جاساسقان جانە جيناقتاعان سوماسى وقۋدىڭ اقىسىن تولىق تولەۋگە قاجەتتى سومانىڭ كەمىندە ەلۋ پايىزىن قۇرايتىن قارىز الۋشىلارعا قاتىستى قولدانىلادى.
20. وسى قاعيدالاردىڭ 11-تارماعىنىڭ 8) تارماقشاسىندا قاراستىرىلعان جاعدايدا كەپىلدىك مولشەرى وسى قاعيدالارعا «نەگىزگى قارىز سوماسىنان ەسەپتەلەتىن كەپىلدىك مولشەرىن انىقتاۋ» 2-قوسىمشاعا سايكەس 8-كەستەنىڭ نەگىزىندە ءبىلىم بەرۋ كرەديتىن ناقتى پايدالانۋ مەرزىمى ىشىندە اۋدارىلعان كرەديتتىك جەلى مەن سىياقىنىڭ سوماسىنان 100% ء(جۇز پايىزدى) قۇرايدى.
جەڭىلدىكتى ءبىلىم بەرۋ كرەديتتەرى قازاقستان رەسپۋبليكاسىنىڭ ءبىلىم بەرۋ ۇيىمدارىندا كۇندىزگى وقۋ بولىمىندە اقىلى نەگىزدە وقيتىن جانە جوعارى ءبىلىم بەرۋدىڭ كاسىبي وقۋ باعدارلاماسىن مەڭگەرىپ جۇرگەن, ونىڭ ىشىندە بازالىق مەديتسينالىق ءبىلىم, سونداي-اق ماگيستراتۋرا باعدارلامالارى بويىنشا وقيتىن قازاقستان رەسپۋبليكاسىنىڭ ازاماتتارىنا ۇسىنىلادى;
«ءبىلىم الۋشىلارعا قارجى ۇيىمدارى بەرەتىن ءبىلىم بەرۋ كرەديتتەرى بويىنشا كەپىلدىك مولشەرىن بەلگىلەۋ قاعيدالارىن» 2-قوسىمشادا:
4-كەستە الىنىپ تاستالسىن;
مىنانداي مازمۇنداعى 7,8 - كەستەلەرىمەن تولىقتىرىلسىن:
«7-كەستە. قازاقستان رەسپۋبليكاسىنىڭ تەحنيكالىق جانە كاسىپتىك, ورتا بىلىمنەن كەيىنگى, جوعارى جانە جوعارى وقۋ ورىننان كەيىنگى (ماگيستراتۋرا) ءبىلىم بەرۋ ۇيىمدارىندا ءبىلىم بەرۋ قىزمەتتەرىنىڭ اقىسىن تولەۋ ءۇشىن قارجى ۇيىمدارى تاراپىنان مەملەكەتتىك ءبىلىم بەرۋ جيناقتاۋ جۇيەسى شەڭبەرىندە بەرىلەتىن ءبىلىم بەرۋ كرەديتتەرىن كەپىلدەندىرۋ باعدارلاماسى بويىنشا:
كەپىلدەندىرۋ پايىزىنىڭ مولشەرىن انىقتاۋ پارامەترلەرى 100%
تەحنيكالىق جانە كاسىپتىك, ورتا بىلىمنەن كەيىنگى ءبىلىم بەرۋ ۇيىمدارىنا تۇسەتىندەر ءۇشىن
ۇبت (قازاق نەمەسە ورىس ءتىلى ء(بىلىم الۋ ءتىلى), قازاقستان تاريحى, ماتەماتيكا جانە تاڭداۋ بويىنشا ءپان) /كت قورىتىندىلارى بويىنشا ۇلگەرىم 30 بالدان كەم ەمەس
2 ءپان – قازاق نەمەسە ورىس ءتىلى جانە ماماندىق ءپروفيلى بويىنشا قابىلداۋ ەمتيحاندارىنىڭ قورىتىندىلارىنا سايكەس ۇلگەرىم (نەگىزگى ورتا ءبىلىم نەگىزىندە وقۋعا تۇسۋشىلەر ءۇشىن) 20 بالدان كەم ەمەس
ءبىلىم بەرۋ, قۇقىقتانۋ, ەكونوميكا, مەديتسينا جانە فارماتسەۆتيكا ماماندىقتارى بويىنشا تۇسۋشىلەر ءۇشىن 2 ءپان – قازاق نەمەسە ورىس ءتىلى جانە ماماندىق ءپروفيلى بويىنشا قابىلداۋ ەمتيحاندارىنىڭ قورىتىندىلارىنا سايكەس ۇلگەرىم (جالپى ورتا ءبىلىم نەگىزىندە وقۋعا تۇسۋشىلەر ءۇشىن), 25 بالدان كەم ەمەس
3 ءپان – قازاق نەمەسە ورىس ءتىلى, قازاقستان تاريحى جانە ماماندىق ءپروفيلى بويىنشا قابىلداۋ ەمتيحاندارىنىڭ قورىتىندىلارىنا سايكەس ۇلگەرىم (جالپى ورتا ءبىلىم نەگىزىندە وقۋعا تۇسۋشىلەر ءۇشىن) 30 بالدان كەم ەمەس
ءبىلىم بەرۋ, قۇقىقتانۋ, ەكونوميكا, مەديتسينا جانە فارماتسەۆتيكا ماماندىقتارى بويىنشا تالاپكەرلەر ءۇشىن 3 ءپان – قازاق نەمەسە ورىس ءتىلى, قازاقستان تاريحى جانە ماماندىق ءپروفيلى بويىنشا قابىلداۋ ەمتيحاندارىنىڭ قورىتىندىلارىنا سايكەس ۇلگەرىم (جالپى ورتا ءبىلىم نەگىزىندە وقۋعا تۇسۋشىلەر ءۇشىن) 35 بالدان كەم ەمەس
جوعارى جانە جوعارى وقۋ ورىننان كەيىنگى (ماگيستراتۋرا)
ءبىلىم بەرۋ ۇيىمدارىنا تۇسۋشىلەر ءۇشىن
ۇبت (قازاق نەمەسە ورىس ءتىلى ء(بىلىم الۋ ءتىلى), قازاقستان تاريحى, ماتەماتيكا جانە تاڭداۋ بويىنشا ءپان) /كت قورىتىندىلارى بويىنشا ۇلگەرىم 50 بالدان كەم ەمەس
قابىلداۋ ەمتيحاندارىنىڭ قورىتىندىسى بويىنشا ۇلگەرىم 50 بالدان كەم ەمەس
اعىمداعى ۇلگەرىم
ەمتيحان سەسسياسى (بەس بالدىق جۇيە) 3,5 بالدان كەم ەمەس
GPA قورىتىندىسى بويىنشا 1,33 بالدان كەم ەمەس
پايىزدىق مازمۇندا 55 بالدان كەم ەمەس
8-كەستە. جەڭىلدىكتى شارتتاردا كوپ بالالى, تولىق ەمەس جانە تۇرمىسى تومەن وتباسىلاردان شىققان, جەتىم جانە اتا-اناسىنىڭ قامقورىنسىز قالعان, مۇگەدەك نە اتا-اناسى مۇگەدەك بولىپ تابىلاتىن نەمەسە زەينەتكەرلىك جاسقا جەتكەن ستۋدەنتتەر مەن ماگيسترانتتارعا قازاقستان رەسپۋبليكاسى اۋماعىندا ءوز قىزمەتىن جۇزەگە اسىراتىن جوو-لاردا ءبىلىم بەرۋ قىزمەتىنىڭ اقىسىن تولەۋ ءۇشىن قارجى ۇيىمدارى تاراپىنان بەرىلەتىن ءبىلىم بەرۋ كرەديتتەرىن كەپىلدەندىرۋ باعدارلاماسى بويىنشا:
كەپىلدەندىرۋ پايىزىنىڭ مولشەرىن انىقتاۋ پارامەترلەرى 100%
ۇبت (قازاق نەمەسە ورىس ءتىلى ء(بىلىم الۋ ءتىلى), قازاقستان تاريحى, ماتەماتيكا جانە تاڭداۋ بويىنشا ءپان) /كت قورىتىندىلارى بويىنشا ۇلگەرىم 65 بالدان كەم ەمەس
ەمتيحان سەسسياسىنىڭ قورىتىندىسى بويىنشا اعىمداعى ۇلگەرىم (بەس بالدىق جۇيە) بارلىق وقۋ كەزەڭى ءۇشىن «جاقسى» «وتە جاقسى» باعالارىنا سايكەس بالاما باعالار
GPA
پايىزدىق مازمۇنداعى ۇلگەرىم
».
2. قارجى جانە ينۆەستيتسيالىق جوبالار دەپارتامەنتى (نۇرعوجاەۆا ت.ا.):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن ءوتۋىن قامتاماسىز ەتسىن;
2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن.
3. وسى بۇيرىقتىڭ ورىندالۋىن باقىلاۋ قارجى جانە ينۆەستيتسيالىق جوبالار دەپارتامەنتىنىڭ ديرەكتورىنا (نۇرعوجاەۆا ت.ا.) جۇكتەلسىن.
4. وسى بۇيرىق العاش رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى ت. بالىقباەۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 3 اقپانداعى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9122 بولىپ ەنگىزىلدى.