ءماجىلىس دەپۋتاتتارى البەرت راۋ مەن سامات اقىشەۆ قوستاناي وبلىسىنىڭ بەيىمبەت مايلين اۋدانىندا بولىپ, «امانات» پارتياسىنىڭ سايلاۋالدى باعدارلاماسى بويىنشا ىسكە اسىپ جاتقان جوبالارمەن تانىستى.
الدا تۇرعان باستى مىندەتتەردىڭ ءبىرى – اۋىلداردىڭ ينفراقۇرىلىمىن دامىتۋ. وسىعان سايكەس, بيىل مايلين اۋدانىنداعى كراسنوسەلسكي جانە مايسكي ەلدى مەكەندەرىنە ورتالىق سۋ جەلىسى تارتىلادى. ال ەليزاۆەتەنكا اۋىلىندا جاڭا مەديتسينا مەكەمەسى بوي كوتەرەدى.
دەپۋتاتتار ۋۆالنىي اۋىلىنىڭ ماڭىنداعى «لەنينسك مال شارۋاشىلىعى كەشەنى» سەرىكتەستىگىنە دە باردى. زاماناۋي فەرما 12 مىڭ تالپاق تاناۋ وسىرەدى. ەلدى مەكەندەردەن شالعايدا, وڭاشا جەردە ورنالاسقان فەرما ءوز ونىمدەرىن ەت جانە شۇجىق تۇرىندە ساۋدالايدى. سونداي-اق دەپۋتاتتار اتالمىش سەرىكتەستىكتىڭ شارۋاشىلىعىمەن تانىسىپ, جۇمىسشىلارىمەن كەزدەستى. مۇندا جۇمىس ىستەيتىن جۇمىسشىلار جۇمىس كەستەسى مەن ماماندىعىنا قاراي 120 مىڭ تەڭگەدەن 250 مىڭ تەڭگەگە دەيىن جالاقى الادى.
ءماجىلىس دەپۋتاتتارى البەرت راۋ مەن سامات اقىشەۆ فەرمەر ۇسىنىپ وتىرعان جوبانىڭ ماڭىزدى ەكەنىنە توقتالىپ, قولداۋ كورسەتۋگە ۋادە ەتتى. اۋىل تۇرعىندارىمەن كەزدەسۋ بارىسىندا دەپۋتاتتار بەيىمبەت مايلين اۋدانىندا Amanat پارتياسىنىڭ سايلاۋالدى باعدارلاماسى ناتيجەلى جۇزەگە اسىرىلىپ جاتقانىن تىلگە تيەك ەتتى.
قوستاناي وبلىسى