اقپاراتتىق مودەلدەردىڭ مەملەكەتتىك بانكى قۇرىلىس نىسانىنداعى ۇردىستەردى باسقارۋ ءۇشىن بىرىڭعاي تسيفرلىق الاڭعا اينالادى, دەپ حابارلايدى Egemen.kz يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.
اتالعان جۇيە اقپاراتتىق مودەلدەۋ تەحنولوگيالارىن قولدانا وتىرىپ, قۇرىلىس وبەكتىلەرىن ونلاين-فورماتتا مودەلدەۋگە مۇمكىندىك بەرەدى.
«وسىلايشا, مەملەكەتتىك بانك پلاتفورماسىندا تاپسىرىس بەرۋشىلەر قۇرىلىس جوباسىنىڭ باسقا قاتىسۋشىلارىمەن ءوزارا بايلانىس ورناتىپ, قۇرىلىسقا دايىندىق ءۇشىن قاجەت ساتىلاردان ونلاين رەجيمدە وتە الادى», دەلىنگەن ۆەدومستۆو حابارلاماسىندا.
اقپاراتتىق مودەلدەر بانكىن «ە-قۇرىلىس» جانە «ە-شاڭىراق» پلاتفورمالارىمەن ينتەگراتسيالاۋ جوسپارلانىپ وتىر. «ە-قۇرىلىس» جۇيەسى قۇرىلىس پروتسەستەرىن بارلىق كەزەڭدەردە ونلاين-رەجيمدە باقىلاۋعا مۇمكىندىك بەرەدى. ال, «ە-شاڭىراق» پلاتفورماسى - تۇرعىن ءۇي قورىن باسقارۋدىڭ اشىقتىعىن قامتاماسىز ەتىپ, قۇرىلىس سالاسىندا مونيتورينگ پەن تالداۋ جاسايتىن سۋبەكتىلەردىڭ بىرىڭعاي جۇيەسى.
كوزدەلىپ وتىرعان جاڭا IT-شەشىم قۇرىلىس جۇمىستارىن جوبالاۋ بارىسىندا ەلەكتروندىق قۇجات اينالىمىنا كوشۋگە مۇمكىندىك بەرەدى. سايكەسىنشە, جوبالىق-سمەتالىق قۇجاتتامانى ازىرلەۋ پروتسەسىندە بارىنشا اشىقتىقتى قامتاماسىز ەتەدى.
قازىرگى ۋاقىتتا مەملەكەتتىك بانك ساراپتامالىق قىزمەت ءۇشىن ينتەگراتسيالىق سەرۆيستەر مەن جۇيەنىڭ جاڭا مودۋلدەرىن ازىرلەۋدىڭ بەلسەندى كەزەڭىندە. جوباعا قاتىسۋشىلار سالالىق بيزنەس-پروتسەستەردى, سونىمەن بىرگە تەحنيكالىق تالاپتاردى دايىنداۋ ءۇشىن دەرەكتەردىڭ قۇرىلىمىن تالداۋ جۇمىستارىنا جۇمىلدىرىلعان.