حەت-تريك جاساۋدى كوزدەۋدە

نيدەرلاندتىڭ Jumbo-Visma كلۋبىنىڭ نامىسىن قورعاپ جۇرگەن ۆان ارت فرانتسيانىڭ دول جانە شۆەيتساريانىڭ لوزاننا قالالارى ارالىعىن جالعاستىرىپ جاتقان 186,3 شاقىرىمدىق قاشىقتىقتى 4 ساعات 13 مينۋت 04 سەكۋندتا ءجۇرىپ ءوتتى. ەكىنشى جانە ءۇشىنشى ورىنداردى اۋستراليالىق مايكل مەتتيۋز (Team BikeExchange – Jayco) بەن سلوۆەنيالىق تادەي پوگاچار (UAE Team Emirates) يەلەندى. «استانانىڭ» سەركەسى الەكسەي لۋتسەنكو مارە سىزىعىن 22-ءشى بولىپ قيىپ ءوتتى.

جالپى ەسەپتە سلوۆەنيالىق پوچاگار ءالى دە ەشكىمگە ەسە جىبەرەتىن ەمەس. ونىڭ ۋاقىتى – 28:56:16. ەكىنشى ورىنداعى دانيالىق يوناس ۆينگەگور  (Jumbo-Visma) كوش باسىنداعى سپورتشىدان نەبارى 39 سەكۋند قالىپ كەلەدى. ءۇشىنشى ساتىعا ۋەلستىڭ وكىلى گەراينت توماس (INEOS Grenadiers) جايعاستى. ال لۋتسەنكو ازىرگە 20-ورىندى قاناعات تۇتۋدا.