مەملەكەت باسشىسىنىڭ كەلىسىمىمەن باس پروكۋروردىڭ بۇيرىعىمەن سەكەنوۆ داستان ابدىقادىر ۇلى باس اسكەري پروكۋرور بولىپ تاعايىندالدى, دەپ حابارلايدى Egemen.kz قر باس پروكۋراتۋراسىنىڭ ءباسپاسوز قىزمەتىنە سىلتەمە جاساپ.
داستان سەكەنوۆ پروكۋراتۋرا ورگاندارىنداعى قىزمەتىن 1996 جىلى الماتى قالاسىنىڭ اقساي اۋدانىندا تاعىلىمداماشى بولىپ باستاعان. 2001 جىلعا دەيىن الماتى قالاسىنىڭ پروكۋراتۋراسىندا ءتۇرلى لاۋازىمداردا جۇمىس ىستەدى.
2001-2009 جىلدار ارالىعىندا باس اسكەري پروكۋراتۋرادا باسشىلىق لاۋازىمداردى اتقاردى.
2009 جىلى تالدىقورعان گارنيزونىنىڭ اسكەري پروكۋرورى بولىپ تاعايىندالدى.
2014-2018 جىلدارى قارجى جانە ۇلتتىق ەكونوميكا مينيسترلىكتەرىندە دەپارتامەنتتەردى باسقاردى.
2018 جىلى پرەزيدەنت اكىمشىلىگىندە ەڭبەك ەتىپ, 2019 جىلى مەملەكەتتىك-قۇقىقتىق ءبولىمنىڭ سەكتور مەڭگەرۋشىسى بولىپ تاعايىندالدى.
2019-2021 جىلدارى - قر مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى بولدى.
2021 جىلعى مامىر ايىنان باستاپ باس اسكەري پروكۋروردىڭ ءبىرىنشى ورىنباسارى لاۋازىمىن اتقاردى. سىنىپتىق شەنى - ادىلەت پولكوۆنيگى. «قۇرمەت» وردەنىمەن ماراپاتتالعان (2015ج.).
ايانا توعانبەك