مامليۋت اۋداندىق ىشكى ىستەر ءبولىمىنىڭ پوليتسيا كاپيتانى ءتۇن ورتاسىندا كورشى اۋىلداعى تۋىستارىنان قايتىپ كەلە جاتقان 27 جاستاعى جاس جىگىتتى كولىكپەن قاعىپ, مەرت قىلدى.
مارقۇمنىڭ جان جارى مەن شيەتتەي ەكى بالاسىمەن بولاشاعى جوق ەلدىمەكەننەن كوشىپ كەلىپ, اۋدان ورتالىعىنا ورنالاسقانىنا كوپ بولا قويماعان ەكەن. قايعىلى وقيعا مامليۋت قالاسىنا كىرەبەرىستە ورىن العان. سوققىنىڭ قاتتى بولعانى سونشالىق, رۋسلان راحمەتوۆ ءتىل تارتپاي كەتكەن. ءتىپتى سول ساتتە ءتارتىپ ساقشىسىنىڭ ۇيالى تەلەفونى دا ىستەن شىققان. وسى سالادا بەس جىلداي جۇمىس ءوتىلى بار 25 جاستاعى ايدوس قانتاەۆ ءتورت اي بۇرىن قىلمىستىق ىزدەستىرۋ ءبولىمى جەتەكشىلىگىنە تاعايىندالعان ەدى. ول كولىگىنىڭ مەملەكەتتىك ءنومىرىن اعىتىپ, مۇردەنىڭ جانىنا تاستاعان دا, ءوزى جۇمىس ورنىنا بارىپ, قايعىلى وقيعا جونىندە حابارلاعان. ەندى ونىڭ قىلمىسى دالەلدەنسە, 7 جىلعا دەيىن جازاعا كەسىلۋى ىقتيمال.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى,
مامليۋت اۋدانى.