«سپاسسك-2022» سەمينارى ءوتتى

دالالىق جاعدايدا وتكەن ترەنينگتەر جۋرناليستەردى تو­تەنشە جاعدايدا جانە قارۋلى قاق­تىعىستار ايماعىندا جۇمىس ىستەۋگە دايىن بولۋعا ۇيرەتتى. وقىتۋ بارىسىندا تاجىريبەلى اسكەري ماماندار بۇقارالىق اقپارات قۇرالدارىنىڭ وكىل­دەرىمەن بىلىمدەرى جانە پراك­تيكالىق داعدىلارىمەن ءبولىستى.

سەمينارعا قاتىسۋشىلار اس­كەري قاقتىعىس ايماعىنداعى جۇ­مىستىڭ ەرەكشەلىكتەرىمەن, ال­عاشقى مەديتسينالىق كومەك كور­سەتۋ تاسىلدەرىمەن, جاپپاي تار­تىپ­سىزدىك كەزىندەگى مىنەز-قۇ­لىق ەرەجەلەرىمەن, توتەنشە جاع­دايلاردا جەكەلەي ءومىر ءسۇرۋ نە­گىز­­دەرىمەن, ءجۋرناليستىڭ قولعا ءتۇ­سىرۋ جانە تۇتقىنداۋ كەزىندەگى ارە­كەتتەرىمەن تانىستى.

ساباقتار كەزىندە دابىل بو­يىنشا ءىس-قيمىلعا كىرىسۋ, مارش جاساۋ, مينالانعان الاڭنان ءوتۋ, جاۋىنگەرلىك تەحنيكامەن ءجۇرۋ ەرەجەلەرى, قاۋىپتى ايماقتان اسكەري اۆياتسيا تىكۇشاقتارىمەن ەۆاكۋاتسيالاۋ, قالاداعى ۇرىس قيمىلدارى جاعدايىندا ءجۋر­ناليستىڭ ءوزىن باسقارۋى سياقتى وقۋ ماسەلەلەرى زەردەلەندى. سە­مينارعا قاتىسۋ­شى­لار تەوريا­دا بىلگەندەرىن وقۋ-جاتتىعۋ ورتا­لى­عىنىڭ بازاسىندا, دالالىق الاڭدا بەكىتتى.

– مەن جۋرناليستەرگە ارنالعان اسكەري ديسكۋرسقا العاش رەت قاتى­سىپ وتىرمىن. مەن ءۇشىن اسا قاجەتتى تاجىريبە, – دەدى ءوز سوزىندە «كازاحستانسكايا پراۆدا» گازەتىنىڭ اعا ءتىلشىسى اسەل مۇقانوۆا. – ءبى­رىنشى كۇنى توتەنشە جاعدايدا ءوزىمدى قالاي ۇستاۋ كەرەكتىگىن بىل­مەيتىنىمدى ءتۇسىندىم. بىزگە «تەرروريستەر شابۋىل جاساعان كەزدە» مەن بىردەن قاشۋعا تىرىس­تىم. الايدا ولار مەنى جىلدام ۇستاپ الدى. شىنىمدى ايتسام, العاشقى ساتتەر وتە قورقىنىشتى بولدى. اسكەري قىزمەتشىلەر «سودىرلار» ءرولىن جاقسى وينادى. سۇراقتارىنا جاۋاپ بەرەيىن بە, الدە ءۇنسىز قالعان دۇرىس پا؟ نە ىستەۋ كەرەك؟ مۇنداي ديسكۋرستى ءار جۋرناليسپەن وتكىزگەن ءجون. بۇل قاجەتتى تاجىريبە عانا ەمەس, سونداي-اق وتە قىزىقتى سەمينار. قورعانىس مينيسترلىگى وسىنداي ءىس-شارالاردى 2015 جىلدان بەرى وتكىزىپ كەلەدى. قاۋىپتى نۇكتەلەردە جۋرناليستەردى تاجىريبە جيناۋ­عا ۇيرەتۋ وزەكتى. العان اسەرلەرى جايلى ولار رەسمي باق-تىڭ اقپاراتتىق رەسۋرستارىندا, سونداي-اق الەۋمەتتىك جەلىلەردە جازدى.