ۇلىتاۋ وبلىسىندا جانتۇرشىگەرلىك جول-كولىك اپاتى سالدارىنان ءۇش ادام قازا تاپتى, دەپ حابارلايدى Egemen.kz.
قاراعاندى وبلىستىق پوليتسيا دەپارتامەنتىنىڭ مالىمەتىنشە, قايعىلى وقيعا 6 شىلدە كۇنى ساعات 17.00-دە قاراعاندى-جەزقازعان تاسجولىندا, شەت اۋدانى اقوي اۋىلىنان بەس شاقىرىم جەردە بولعان.
الدىن الا مالىمەت بويىنشا, قاراعاندىدان كەلە جاتقان Mercedes-Benz كولىگى Chevrolet Cobalt كولىگىنە سوعىلعان.
«جول-كولىك وقيعاسى سالدارىنان ەكى جۇرگىزۋشى مەن ولاردىڭ ءبىرىنىڭ 54 جاستاعى ايەلى كوز جۇمدى. Chevrolet Cobalt جۇرگىزۋشىسىنىڭ 44 جاستاعى ايەلى مەن ولاردىڭ 18 جانە 7 جاستاعى بالالارى مەديتسينالىق مەكەمەگە جەتكىزىلدى», دەلىنگەن حابارلامادا.
اتالعان دەرەككە قاتىستى ءتيىستى ساراپتامالار تاعايىندالدى, ونىڭ قورىتىندىسى بويىنشا پروتسەسسۋالدىق شەشىم قابىلدانادى.