2022 جىلعى 1 شىلدەدەن باستاپ اقپاراتتىق جۇيەنىڭ ىستەن شىعۋىنا بايلانىستى وزبەكستان مەن قازاقستان اراسىنداعى «داۋت-اتا» - «تاجەن» وتكىزۋ پۋنكتىندە ادامداردى, كولىك قۇرالدارى مەن جۇكتەردى وتكىزۋ ۋاقىتشا توقتاتىلدى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
«سونداي-اق «كاراكالپاكيا» – «بەينەۋ» باعىتىندا تەمىرجول قاتىناسى توقتاتىلا تۇرۋى مۇمكىن. وسىعان بايلانىستى اتالعان وتكىزۋ پۋنكتتەرى ارقىلى مەملەكەتتىك شەكارادان وتەتىن ازاماتتار ءوز مارشرۋتتارىن الدىن الا جوسپارلاۋىن سۇرايمىز», دەلىنگەن حابارلامادا.
وزبەك تاراپى وتكىزۋ پۋنكتتەرىنىڭ جۇمىسىن قايتا باستاعانى تۋرالى قوسىمشا اقپارات بەرىلەدى.