پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسىندا ۇلتتىق كوميسسيا مۇشەسى, «تالبەسىك» كوپبالالى انالار وداعى» قوعامدىق بىرلەستىگىنىڭ جەتەكشىسى ءلاززات قوجاحمەتوۆا قوعامدا اكەلەردىڭ ءرولىن كوتەرۋ ءۇشىن ءار سىنىپ جانىنان اكەلەر كەڭەسىن اشۋدى ۇسىندى, دەپ حابارلايدى Egemen.kz.
«بالالارعا رۋحاني-ادامگەرشىلىك تاربيە بەرۋ – اكە مەن انانىڭ جاۋاپكەرشىلىگى بىردەي بولعاندا عانا تولىققاندى جۇزەگە اسادى. قازاقستاندا تۇرمىسى تومەن وتباسىلاردىڭ باسىم بولىگىن اليمەنت المايتىن وتباسىلار قۇراپ وتىر. وسىعان وراي, اليمەنت تولەۋدەن جالتارعان ازاماتتارعا حقكو-دا انىقتامالار بەرۋ, كرەديت رەسىمدەۋ, بانكتىك شوتتارعا تىيىم سالۋ, ەسەپتەن شىعارۋ/ەسەپكە قويۋ, كولىك جۇرگىزۋشى كۋالىگىن الۋ قىزمەتىنە تىيىم سالۋدى ۇسىنامىز. بالالار اتا-انانىڭ رۋحاني-ماتەريالدىق قولداۋىن تولىققاندى سەزىنۋى ءۇشىن اليمەنتتەن جالتارعان اكەلەردى اكىمشىلىك-قىلمىستىق جاۋاپكەرشىلىككە تارتۋدى كۇشەيتۋ كەرەك», دەپ سانايدى ول.