بۇگىن شىعىس قازاقستان وبلىسى تارباعاتاي اۋدانىنداعى اقسۋات اۋىلىندا قازاق كۇرەسىنەن ىرعىزباي دوسقانا ۇلى اتىنداعى قازاق حالىقارالىق تۋرنير ءوتتى. بۇل تۋرالى egemen.kz ءتىلشىسى حابارلادى.
اتالعان باسەكە بيىل ەكىنشى مارتە ۇيىمداستىرىلىپ وتىر. تارباعاتاي اۋدانىنىڭ ورتالىعىنداعى بوز كىلەم باسەكەسىنە 9 مەملەكەتتىڭ اتىنان 45 پالۋان قاتىستى. وتكەن جىلى رەسپۋبليكالىق دەڭگەيدە وتكەن دوداعى بيىل ارمەنيا, گرۋزيا, رەسەي, وزبەكستان, تاجىكستان, قىرعىزستان, موڭعوليا, قىتاي جانە ەلىمىزدىڭ ەڭ ۇزدىك كىلەم شەبەرلەرى قاتىستى. وسىنىڭ ارقاسىندا ول ءوزىنىڭ حالىقارالىق دارەجە اتاعىن اقتادى. ءتۋرنيردىڭ اشىلۋ سالتاناتىنا شىعىس قازاقستان وبلىسىنىڭ اكىمى بەردىبەك ساپارباەۆ, حالىقارالىق قازاق كۇرەسى فەدەراتسياسىنىڭ پرەزيدەنتى سەرىك توكەەۆ, فيلا حالىقارالىق كۇرەس تۇرلەرى قاۋىمداستىعىنىڭ كوميتەت توراعاسى گينتاۋتاس ۆيلەيتا جانە تاعى باسقا سپورت جاناشىرلارى قاتىسىپ, اتلەتتەرگە تابىس تىلەدى.
جارىستىڭ تۇيە بالۋان ءۇشىن بولعان ءتۇيىندى بولىگىنىڭ اقتىق ايقاسىنا شىعىس قازاقستان وبلىسىنىڭ ەكى تارلانى – ايبەك نۇعىماروۆ پەن مۇحيت تۇرسىنوۆ شىقتى. ءبىر-ءبىرىنىڭ سىرىنا جەتىك پالۋاندار بەلگىلەنگەن ۋاقىتتا بۇك ۇپايدان ەنشىلەپ, تەڭ ءتۇستى. بەلدەسۋ ناتيجەسىندە ايبەكتىڭ الاپاتى اسىپ, باس جۇلدە - 10 مىڭ اقش دوللارىنا يە بولدى. (ماتەريالدىڭ تولىق نۇسقاسىن گازەتىمىزدىڭ الداعى سانىنان وقي الاسىزدار).
دۋمان اناش.
دەرەككوز: Egemen.kz. فوتو: Egemen.kz.