وتكەن جىلى قازاقستاننىڭ كاسپي ماڭى ەلدەرىمەن ءوزارا ساۋدا-ساتتىق كولەمى شامامەن 3,4 ميلليارد دوللاردى قۇرادى, ونىڭ 70%-ى رەسەيمەن قۇرلىقتاعى باعىتقا تيەسىلى. بۇل تۋرالى مەملەكەت باسشىسى قاسىم-جومارت توقاەۆ اشحابادتا ءوتىپ جاتقان كاسپي سامميتىندە ايتتى, دەپ حابارلايدى Egemen.kz.
«قازاقستان ەت جانە ءسۇت ونىمدەرىنىڭ ەكسپورتىن ارتتىرۋ ءۇشىن ۇلكەن الەۋەتكە يە. مەملەكەتتەرىمىزدىڭ ساۋدا-ساتتىق ءوزارا ءىس-قيمىلىن نىعايتۋ ءۇشىن قازىرگى زامانعى لوگيستيكالىق ينفراقۇرىلىمدى دايەكتى تۇردە دامىتۋ قاجەت. سوندىقتان ءبىز كاسپي ماڭى ازىق-ت ۇلىك حابىن قۇرۋدى ۇسىنامىز. ول ءوزارا تاۋار اينالىمىن ەڭ از شىعىنمەن وسىرۋگە مۇمكىندىك بەرەدى», دەدى پرەزيدەنت.
وسىعان وراي قازاقستاندا ازىق-ت ۇلىك تاۋارلارىن قويمالاۋ, ساقتاۋ جانە ساتۋدىڭ تەحنولوگيالىق دامىعان جۇيەسى بار زاماناۋي كوتەرمە-تاراتۋ ورتالىقتارىنىڭ قۇرىلىسى باستالدى.
«بۇل ورتالىقتاردىڭ كاسپي ماڭى ازىق-ت ۇلىك حابىمەن جۇيەلى ينتەگراتسياسى فەرمەرلەردى, ساتىپ الۋشىلاردى, تاسىمالداۋشىلاردى, ساتۋشىلار مەن تۇتىنۋشىلاردى ءتيىمدى كووپەراتسيالاۋ ءۇشىن جاڭا مۇمكىندىكتەر اشۋى مۇمكىن جانە ەڭ باستىسى - بارلىق جەتكىزىلەتىن ءونىمدى وتكىزۋدىڭ سەنىمدى كەپىلدىكتەرىن قامتاماسىز ەتەدى», دەپ قوستى مەملەكەت باسشىسى.