ەلوردادا قالا كۇنى قالاي تويلانادى

ەلوردانىڭ 24 جىلدىعىنا وراي قالادا بىرقاتار الەۋمەتتىك نىسانداردىڭ, گۇلزارلاردىڭ, قوعامدىق كەڭىستىكتەردىڭ, 80-نەن اسا اۋلانىڭ سالتاناتتى اشىلۋى وتەدى.

بۇدان بولەك, وسى كۇنگە وراي ەلوردانىڭ بىرقاتار ۆەدومستۆولىق باعىنىستى ۇيىمدارى كونتسەرتتەر, سپورتتىق تۋرنيرلەر, كورمەلەر جانە ت.ب. ۇيىمداستىرادى.

28 ماۋسىم كۇنى ساعات 19:00-دە مەملەكەتتىك اكادەميالىق فيلارمونيا ساحناسىندا ەرمۇرات ۇسەنوۆتىڭ 70 جىلدىعىنا ارنالعان «قورقىت» ەتنو-ءانسامبلى ء«ومىر داستان» كونتسەرتىن قويادى.

وسى كۇنى ەلوردادا ەرلەر مەن ايەلدەر اراسىندا بوكستان «ەلوردا كۋبوگى» حالىقارالىق ءتۋرنيرى باستالادى. ول جاقسىلىق ۇشكەمپىروۆ اتىنداعى جەكپە-جەك سارايىندا 5 شىلدەگە دەيىن وتەدى.

30 ماۋسىمدا «جاستار» تەاترىندا سۋرەتشى گۇلنازىم ومىرزاقتىڭ كورمەسىن, سونداي-اق ديزاينەر التىنبەك ەرمۇحاننىڭ ءسان كورسەتىلىمىن تاماشالاۋعا بولادى.

1-6 شىلدە ارالىعىندا «اتامەكەن» ەتنو-مەموريالدىق كەشەنىندە «ەلوردا پەيزاجدارى» اتتى ارت-كورمە ۇيىمداستىرىلادى. بىرىككەن مۋزەيلەر ديرەكتسياسى مەرەكەگە وراي بىردەن بىرنەشە ەكسپوزيتسيا ۇيىمداستىرادى: 1-8 شىلدە ارالىعىندا – «ەل تىرەگى – ەلوردا» كورمەسى, 1-5 شىلدە ارالىعىندا – «كيەلى مەنىڭ استانام» فوتوكورمەسى. 5 شىلدە كۇنى مۇندا «الەم كارتاسىنداعى جاڭا ەلوردا» اتتى ءىس-شارا وتەدى.

1 شىلدە كۇنى ساعات 20:00-دە ەسىل وزەنى جاعالاۋىنداعى امفيتەاتردا باتىرحان شۇكەنوۆتىڭ شىعارماشىلىعىنا ارنالعان «تۆوي شاگي» اتتى كونتسەرت وتەدى. 3 شىلدە كۇنى ساعات 20:30-دا ەكسپو الاڭىندا ۇلتتىق دومبىرا كۇنى اتاپ وتىلەدى. سول كۇنى ساعات 18:00-دە ەلوردالىق فيلارمونيا مەرەكەلىك كونتسەرتكە شاقىرادى. سول سياقتى «بارىس ارەنا» مۇز سارايىندا قازاق كۇرەسىنەن «قازاقستان بارىسى» رەسپۋبليكالىق ءتۋرنيرى وتەدى.

4 شىلدە كۇنى ساعات 18:00-دە امفيتەاتر ساحناسىندا «استانا كەشى كوڭىلدى» مەرەكەلىك كونتسەرتىمەن وتاندىق ەسترادا ارتىستەرى مەن شىعارماشىلىق ۇجىمدار ونەر كورسەتەدى.

4-6 شىلدە ارالىعىندا ورتالىق ساياباقتا «Mereke Street» قالالىق مادەنيەت فەستيۆالى وتەدى.

5 شىلدە كۇنى ساعات 19:00-دە فيلارمونيانىڭ كونتسەرت زالىندا ء«ازىل الەمى» ءازىل كەشى ۇيىمداستىرىلادى. 5 شىلدە كۇنى ساعات 19:00-دە «استانا وپەرا» وپەرا جانە بالەت تەاترى كۇمىس عاسىردىڭ «شوپەنيانا» جانە «شەحرەزادا» بالەتتەرىن ۇسىنادى.

5 جانە 6 شىلدە كۇندەرى «كوليزەي» سپورت كەڭىستىگىندە «وتان انا» مونۋمەنتىنىڭ جانىندا ستريتبولدان «Nur Sultan Cup» ءتۋرنيرى ۇيىمداستىرىلادى. 5-9 شىلدە ارالىعىندا «استانا بالەت» تەاترى «ورفەي جانە ەۆريديكا» بالەتىنىڭ پرەمەراسىنا شاقىرادى.

استانا كۇنى, ياعني 6 شىلدەدە ساعات 11:00-دە ترياتلون پاركتە «Elorda Tolqyny» سپورتتىق جارىسى باستالادى. وسى ۋاقىتتا «قازانات» يپپودرومىندا شاباندوزدار اراسىندا بايگەدەن «استانا كۋبوگى» جارىسى وتەدى. سول كۇنى كەشكە, ساعات 21:00-دە امفيتەاتر ساحناسىندا ۇلىقپان جولداسوۆ «اق قانات – اق قۇسىم» باعدارلاماسىمەن ونەر كورسەتەدى. ساعات 18:00-دەن 22:00-گە دەيىن «استانا-ارەنا» ستاديونىنىڭ تۇراعىندا «حالىقپەن بىرگە» ءداستۇرلى Open air وتەدى. سول كۇنى كەشكە «قازاقستان» وكز «دوس-مۇقاسان» ءانسامبلىنىڭ شىعارماشىلىعىنا ارنالعان «دالام مەنىڭ» كونتسەرتى ۇيىمداستىرىلادى.

8 شىلدە كۇنى ساعات 12: 00-دە امفيتەاتردا «مەن سەنى سۇيەمىن, استانام» اتتى كونتسەرتتىك قويىلىم وتەدى. ساعات 10:00-دەن 22:00-گە دەيىن «بارىس ارەنا» ماڭىندا 12 ساعاتتىق «You Fest» Open air وتەدى. ساعات 17:00-دەن 22:00-گە دەيىن مەملەكەتتىك اكادەميالىق فيلارمونيادا رەسپۋبليكالىق اقىندار ايتىسى وتەدى.