قازاقستان رەسپۋبليكاسى ۇكىمەتىنىڭ قاۋلىسىمەن الماز سەرىكبول ۇلى ىدىرىسوۆ قر يندۋستريا جانە ينفراقۇرىلىمدىق دامۋ ۆيتسە-ءمينيسترى بولىپ تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلادى, دەپ جازادى Egemen.kz.
الماز ىدىرىسوۆ 1983 جىلى قاراعاندى قالاسىندا دۇنيەگە كەلگەن. قاراعاندى مەملەكەتتىك تەحنيكالىق ۋنيۆەرسيتەتىن تامامداعان.
ەڭبەك جولىن 2003 جىلى جول جۇمىسشىسى بولىپ باستادى.
2005-2006 جىلدارى — «قازاقاۆتوجول» جشس تەحنيكالىق-وندىرىستىك ءبولىمىنىڭ جەتەكشى مامانى.
2006-2014 جىلدارى — قر كولىك جانە كوممۋنيكاتسيا مينيسترلىگىنىڭ قۇرىلىمىندا قىزمەت ەتتى.
2014-2016 جىلدارى — «قازاۆتوجول» اق سولتۇستىك قازاقستان فيليالى ديرەكتورىنىڭ ورىنباسارى.
2016-2019 جىلدارى قر ينۆەستيتسيالار جانە دامۋ مينيسترلىگىنىڭ قۇرىلىمىندا باسشىلىق لاۋازىمداردا بولدى.
2019-2022 جىلدارى — قر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى – قر باس مەملەكەتتىك قۇرىلىس ينسپەكتورىنىڭ ورىنباسارى.
2022 جىلدىڭ ساۋىرىنەن باستاپ قر يدم قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسى – قر باس مەملەكەتتىك قۇرىلىس ينسپەكتورى بولدى.