قازاقستاندىق كورشى قىرعىز ەلىنەن 30 توننا قانتتى ەلگە زاڭسىز كىرگىزبەك بولدى, دەپ جازادى Egemen.kz.
قىرعىزستاننىڭ مەملەكەتتىك ۇلتتىق قاۋىپسىزدىك كوميتەتىنىڭ مالىمەتىنشە, شەكاراشىلار «چون-كاپكا - اۆتودوروجنىي» باقىلاۋ-وتكىزۋ پۋنكتىندە جۇكتى زاڭسىز اكەتۋ فاكتىسىن انىقتاعان.
وتكىزۋ بەكەتىنە 38 جاستاعى قازاقستاندىق جۇرگىزگەن كاماز جۇك كولىگى كەلگەن. ەر ادام كولىكتە تىڭايتقىش بارىن ايتقان. الايدا اۆتوكولىكتى تەكسەرۋ كەزىندە شەكاراشىلار 30 تونناعا جۋىق قانت تاپتى. ول ءتاتتى ءونىمدى سەليترا سالىنعان قاپتاردىڭ اراسىندا جاسىرعان.وقيعانىڭ ءمان-جايىن انىقتاۋ ءۇشىن قازاقستان ازاماتى قۇقىق قورعاۋ ورگاندارىنىڭ قىزمەتكەرلەرىنە تاپسىرىلدى.